كەلەر جىلى امانگەلدى, مايقوڭىر, قوسكول,اعاشورىن اۋىلدارىندا ورتالىقتىرىلعان سۋ جەلىلەرىن پايدالانۋعا بەرۋ جوسپارلانۋدا.
قازىرگى كەزدە اۋدان بويىنشا سۋ قۇبىرلارىنىڭ جالپى ۇزىندىعى 236,4 شاقىرىمعا جەتكەن. وتكەن جىلى 203,2 ميلليون تەڭگەگە ۇلگىلى, قاراعاش جانە ىنتىماق اۋىلدارىندا سۋ جەلىلەرىنىڭ قۇرىلىسى اياقتالدى.
ال, بەلوۆود سۋ جەلىلەرى بويىنشا جەتكىزىلەتىن سۋدىڭ تاريفتەرىنە كەلسەك, توپتىق سۋ جەلىسى ارقىلى بەرىلەتىن سۋ مەملەكەت تاراپىنان سۋبسيديالانباق.
- رەسپۋبليكالىق بيۋدجەتتىك كوميسسيا بۇل ماسەلەنى قاراستىرۋدا. بەلوۆود سۋ جەلىسى مونوپوليستەر رەەسترىنە ەنگىزىلۋى مۇمكىن. ونداي جاعدايدا سۋدىڭ ءبىر تەكشە مەترىنىڭ باعاسى 300 تەڭگەدەن تومەن تۇسەدى.
الىپ سۋ جەلىسى قۇرىلىسى ۇزاققا سوزىلدى. وسىدان 3 جىل بۇرىن اقىرى ىسكە قوسىلىپ, 13 اۋىلعا سۋ بەرىلەتىن بولعان-دى.
بىراق, سۋبسيديالاناتىن نىساندار قاتارىنا ەنگىزىلمەگەندىكتەن, سۋدىڭ باعاسى قىمبات.
ءسويتىپ, 8 اۋىل سۋدى تۇتىنۋدان باس تارتتى. اۋدان اكىمدىگى ەسكى ستانسانى قوسۋعا ءماجبۇر بولدى.
قالعان اۋىلدار سۋدى ەرتىس وزەنىنەن تاسىپ ءىشۋدە.
- سۋبسيديالاۋ ماسەلەسى كۇردەلى ماسەلە. بۇعان قاتىستى جوبانى رەسپۋبليكالىق بيۋدجەتتىك كوميسسيا ماقۇلداسا, اۋدان تۇرعىندارى ءۇشىن سۋدىڭ تەكشە مەترى 100-110 تەڭگە بولماق.
بۇل ماسەلە-وڭىردەگى ماي اۋدانىنداعى توپتىق سۋ قۇبىرلارىن دا سۋبسيديالاناتىن نىساندار تىزىمىنە ەنگىزۋ جۇمىستارى ءۇشىن دە قاجەت.
پاۆلودار وبلىسى
ەرتىس اۋدانى
