ايماقتار • 29 اقپان، 2020

تۇركىستان قىلمىس ەڭ از جاسالاتىن وبلىستاردىڭ قاتارىندا

25 رەتكورسەتىلدى

الەۋمەتتىك، ۇلتتىق جانە ءدىني ارازدىقتى بولدىرماۋ، ەكسترەميزممەن تەرروريزمگە قارسى كۇرەس بۇگىن قوعامداعى وزەكتى ماسەلە. بۇل ورايدا وتكەن جىلى تۇركىستان وبلىسىندا پوليتسيا قىزمەتكەرلەرى جۇرگىزگەن اۋقىمدى جۇمىستاردىڭناتيجەسىندە ەكسترەميستىك-تەرروريستىك سيپاتتاعى 12 قىلمىس اشىلعان. سونداي-اق ءدىني سيپاتتاعى 16 اكىمشىلىك قۇقىق بۇزۋشىلىق انىقتالدى.

وبلىستىق پوليتسيا دەپارتامەنتىنىڭ باستىعى، گەنەرال قايرات دالبەكوۆ حالىققا بەرگەن ەسەبىندە وسىنداي دەرەكتەر كەلتىردى. وتكەن جىلى وبلىستا 164 162 شەتەلدىك پەن ازاماتتىعى جوقتار  ۋاقىتشا تىركەلگەن. كءوشى-قون زاڭناماسىن بۇزعان ازاماتتارعا 27 ملن 961 مىڭ 221 تەڭگە ايىپپۇل سالىنىپ، تولىعىمەن ءوندىرىلدى. پوليتسيا گەنەرالى، سونداي-اق ءوز ەسەبىندە بيىلدان باستاپ ەنگىزىلگەن شەتەلدىكتەردىڭ تىركەلۋ ءتارتىبىنە، بۇگىندە وزەكتى ماسەلەلەردىڭ ءبىرى سىبايلاس جەمقورلىققا قارسى كۇرەس بارىسىنا توقتالدى. «سىبايلاستىق بويىنشا جەكە قۇراممەن ءتۇسىندىرۋ جۇمىستارى ءجيى وتكىزىلىپ تۇرادى. الايدا كەيبىر قىزمەتكەرلەرىمىزدىڭ ءتارتىپ پەن زاڭدىلىقتى ساقتاماۋى جاعىنان بىرقاتار ماسەلەلەر ورىن الدى. ماسەلەن، سىبايلاس جەمقورلىق بويىنشا انىقتالعان 12 پوليتسەيدىڭ ۇستىنەن ءىس قوزعالدى. ونىڭ ىشىندە سايرام اپب كوشى-قون قىزمەتى ءبولىمىنىڭ باستىعى عابيت دارحانوۆ ءوز لاۋازىمىن اسىرا پايدالانىپ، ازاماتشادان 50 مىڭ تەڭگە پارا العانى ءۇشىن قىلمىستىق جاۋاپكەرشىلىككە تارتىلدى»، دەدى وبلىستىڭ باس پوليتسەيى. سونىمەن قاتار، جاعىمسىز سەبەپتەرمەن 40 قىزمەتكەر جۇمىستان شىعارىلسا، 510 قىزمەتكەر جازالانعان. ال 247 رەيدتىك ءىس-شارا ناتيجەسى بويىنشا 202 قىزمەتكەر اكىمشىلىك جاۋاپكەرشىلىككە تارتىلىپتى.

ءوز قىزمەتىن ءمىنسىز دە ادال اتقارىپ جۇرگەن پوليتسەيلەر دە از ەمەس. بۇل ورايدا گەنەرال ق.دالبەكوۆ قازىعۇرتتىق پوليتسەيدىڭ ءبۇتىن ءبىر وتباسىن اسىراۋشىسىن سۋيتسيد جاساماقشى بولعان جەرىنەن امان الىپ قالعانىن مىسالعا كەلتىردى. كوپىردەن سەكىرمەكشى بولعان جاس كەلىنشەكتىڭ قۇتقارىلۋى، سۋعا باتىپ ومىرىمەن قوشتاسپاقشى بولعان بويجەتكەن قىز بەن جەتىسايدا ورىن العان وقيعا بويىنشا پوليتسيا قىزمەتكەرلەرىنىڭ ءوز جانىن تاۋەكەل ەتە وتىرىپ، كومەك قولىن سوزعانىن جانە ەرلىك بىلەكتە ەمەس، جۇرەكتە ەكەنىن اتاپ ءوتتى.

وڭىردە مال ۇرلىعى قىلمىسى 34،1%-عا كەمىگەن. الايدا  كەنتاۋ قالاسى مەن شاردارا اۋدانىندا كەرىسىنشە مال ۇرلىعىنىڭ وسكەنى بايقالادى.ء  تارتىپ ساقشىلارى مال ۇرلىعىن جەدەل اشۋ ماقساتىندا «جالپى چات» ءادىسءىن قولدانۋدا. ياعني، زاڭسىز تاسىمالدانعان مالدار پوليتسەيلەر تاراپىنان انىقتالىپ، بەينە تىركەگىشتەرگە، سۋرەتكە ءتۇسىرىلىپ، ارنايى چاتقا جىبەرىلەدى. مال ۇرلىعى تۋرالى ارىزدانىپ كەلگەن ازاماتتارعا چاتتاعى بەينەجازبالار مەن سۋرەتتەر كورسەتىلەدى.  بۇگىنگى تاڭدا مۇنداي ءادىس ءوز ناتيجەسىن بەرۋدە.  سونداي-اق پوليتسيا گەنەرالى وڭىردە كريمينوگەندىك احۋال تۇراقتى ەكەنىن ايتتى. «ماسەلەن، رەسپۋبليكا كولەمىندە ون مىڭ تۇرعىنعا شاققانداعى قىلمىس سانى 128 بولسا، ءبىزدىڭ وبلىستا كورسەتكىش 39-دى قۇرادى. ياعني 2 ميلليوننان استام حالقى بار تۇركىستان وبلىسى ەلىمىز بويىنشا ەڭ قىلمىسى از وبلىستاردىڭ قاتارىندا»، دەدى قايرات دالبەكوۆ.  

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار