قاۋىپسىزدىك دەڭگەيىن ارتتىرۋ, جۇيەلەردى اۆتوماتتاندىرۋ ماقساتىنداعى جوبا اياسىندا تۇركىستانداعى №10 ءال-فارابي اتىنداعى جانە №13 ءا.ناۋاي اتىنداعى جالپى ورتا مەكتەپتەرى مەن №31 باستاۋىش, №27 IT-ليتسەي مەكتەبىنە وقۋشىلاردىڭ كىرۋىن باقىلاۋ ءۇشىن تۋرنيكەتتەر مەن ەلەكتروندى ق ۇلىپتار, بەينەباقىلاۋ قۇرىلعىلارى قويىلدى. بۇدان وزگە, الداعى ۋاقىتتا مەكتەپتەرگە ەنگىزىلەتىن «شكاف-لوكەرلەر» قاۋىپسىزدىك دەڭگەيىن ارتتىرا تۇسەرى انىق. وقۋشىلاردىڭ كەلىپ-كەتۋىنە ەلەكتروندى ەسەپ جۇرگىزۋگە مۇمكىندىك بەرەتىن كارتا نەمەسە بىلەزىكتەر تارقاتۋ دا جوسپارلانۋدا. قازىرگى تاڭدا وقۋشىلاردىڭ تسيفرلىق ساۋاتتىلىقتارىن ارتتىرۋ باعىتىندا تەحنيكالىق پاندەردى وقىتۋعا ارنالعان «Stem Panel» جۇيەسى ورناتىلىپ, مۇعالىمدەرگە جانە بارلىق مەكتەپ ديرەكتورلارىنا پانەلدەردىڭ فۋكتسيونالدىق ارتىقشىلىقتارىمەن تانىستىرۋ ءۇشىن ارنايى سەمينارلار وتكىزىلگەن. سونداي-اق, باسقارمانىڭ باستاماسىمەن تۇركىستان قالاسىنداعى №13 ءا.ناۋاي اتىنداعى جالپى ورتا مەكتەپتە IT-سىنىپ اشىلدى.
ايتا كەتەلىك, جوبادا اياسىندا تۇركىستان قالاسىنداعى 8 مەكتەپ, ارىس قالاسىنداعى 5 مەكتەپ بەينەكامەرالارمەن جابدىقتالعان. قازىرگى تاڭدا جەرگىلىكتى پوليتسيا پۋنكتتەرىنە ينتەگراتسيالاۋ جۇمىستارى جۇرگىزىلۋدە. الداعى ۋاقىتتا وبلىستاعى بارلىق مەكتەپتەردى مەملەكەتتىك-جەكەمەنشىك ارىپتەستىك اياسىندا بەينەكامەرالامەن قامتۋ جوسپارلانۋدا.
تۇركىستان وبلىسى
