اعىمداعى جىلدىڭ 1 ساۋىرىنە دەيىن ەلدىڭ بارلىق تۇرعىندارى شارتتى تۇردە ساقتاندىرىلعان بولىپ سانالادى جانە ولار تمككك جانە ءمامس پاكەتتەرى اياسىندا مەديتسينالىق قىزمەتتەردى تەگىن الا الادى.
ال ساقتاندىرىلماعان ازاماتتار, ءار مەديتسينالىق ۇيىمدا ورنالاستىرىلعان تولەم تەرمينالدارى ارقىلى جارنا تولەپ, مارتەبەسىن انىقتاۋعا مۇمكىندىك الادى.
بۇگىنگى تاڭدا باستاپقى مەديتسينالىق سانيتارلىق كومەك كورسەتەتىن مەديتسينالىق ۇيىمداردىڭ 81,8% تەرمينالدارمەن جابدىقتالعان. دەمەك, ازاماتتار وزدەرىنىڭ ساقتاندىرۋ مارتەبەسىن انىقتاپ, مىندەتتى مەديتسينالىق ساقتاندىرۋ جۇيەسىنە تىركەلۋى كەرەك.
جەڭىلدىك كەزەڭى اياقتالعاننان كەيىن 2020 جىلدىڭ 1 ساۋىرىنەن باستاپ ساقتاندىرىلماعان پاتسيەنتتەر مەديتسينالىق كومەك الۋدى جالعاستىرا بەرەدى, ول تەك مەديتسينالىق كومەكتىڭ كەپىلدەندىرىلگەن كولەمى اياسىندا عانا, قالعان قىزمەتتەرگە اقىلى بولادى.
ءار ازامات ءوزىنىڭ ساقتاندىرىلعان نەمەسە ساقتاندىرىلماعان ەكەنىن بىرنەشە جولمەن بىلە الادى: 1) تىركەلگەن ەمحاناسىنا بارىپ, رەگيستراتۋراعا جسن (جەكە سايكەستەندىرىلگەن نومەر) ءنومىرىن ايتسا, ماماندار انىقتاپ بەرەدى. 2) Fms.kz سايتىندا جسن ءنومىرىڭىزدى تەرسەڭىز, ستاتۋسىڭىزدى شىعارىپ بەرەدى. 3) ۇيالى تەلەفونداعى تەلەگرام قوسىمشاسىندا SaqtandyryBotقا (ساقتاندىرۋبوت) جسن ءنومىرىڭىزدى جىبەرسەڭىز, سىزگە بىردەن ستاتۋسىڭىز جايلى اقپارات كەلەدى.
سوندىقتان 31 ناۋرىزعا دەيىن ءمامس جۇيەسىندە ساقتانۋشىنىڭ مارتەبەسىن الۋ ماڭىزدى.
ماڭعىستاۋ وبلىسى
