اۋەلى ۇلتتىق تاريحقا كىرىسۋدەن باستالىق.
قازىر زيالى قاۋىم اراسىندا ەكىۇداي پىكىر بەل الۋدا. ءبىرى, ستراتەگيالىق پايىمعا ءالى ەرتە دەيدى; ەكىنشى توپتاعىلار: قازاق قوعامى, ياعني مەملەكەتتىك جاڭا قۇرىلىم قالىپتاسۋ كەزەڭىندە دەيدى. ستراتەگيالىق پايىمعا ءالى ەرتە دەگەنگە سەنۋ قيىن. نەگە دەيسىز عوي! قازاقى ۇعىمعا سالىپ سويلەسەك: ستراتەگيالىق پايىم – كەلەشەك كوكجيەگىنە كۇن سالا قاراۋ دەگەن ءسوز. ۇلت بولىپ قالىپتاستىق, تاۋەلسىز مەملەكەت قۇردىق, تاريح كوشىنە ىلەستىك, پلانەتاداعى قايسىبىر ۇلت پەن ۇلىسقا ۇقساپ تورعايداي توزىپ كەتپەپپىز... ەندى نەگە كەلەسى ونجىلدىق, شيرەك عاسىر كولەمىندە ۇلى كوشتىڭ قانداي قونالقاعا قونارىن, نەندەي كەپ شەرتەرىن بولجاپ, ءبىلىپ الماي – كوشكە ىلەسە بەرۋىمىز كەرەك. كەلەشەك بارار جەرىمىزدى مەجەلەپ, ەلەستەتىپ العانىمىز اۋاداي قاجەت-اق. سول سەبەپتى تاپ بۇگىن الدى-ارتىمىزعا قاراپ, ەرتەڭگى بارار جەرىمىزدى ويشا بارلاپ, كوز جەتكىزەر ستراتەگيالىق پايىمعا جۇگىنگەننىڭ ەش ارتىقتىعى جوق.
اۋەلى ۇلتتىق تاريحقا كىرىسۋدەن باستالىق.
قازىر زيالى قاۋىم اراسىندا ەكىۇداي پىكىر بەل الۋدا. ءبىرى, ستراتەگيالىق پايىمعا ءالى ەرتە دەيدى; ەكىنشى توپتاعىلار: قازاق قوعامى, ياعني مەملەكەتتىك جاڭا قۇرىلىم قالىپتاسۋ كەزەڭىندە دەيدى. ستراتەگيالىق پايىمعا ءالى ەرتە دەگەنگە سەنۋ قيىن. نەگە دەيسىز عوي! قازاقى ۇعىمعا سالىپ سويلەسەك: ستراتەگيالىق پايىم – كەلەشەك كوكجيەگىنە كۇن سالا قاراۋ دەگەن ءسوز. ۇلت بولىپ قالىپتاستىق, تاۋەلسىز مەملەكەت قۇردىق, تاريح كوشىنە ىلەستىك, پلانەتاداعى قايسىبىر ۇلت پەن ۇلىسقا ۇقساپ تورعايداي توزىپ كەتپەپپىز... ەندى نەگە كەلەسى ونجىلدىق, شيرەك عاسىر كولەمىندە ۇلى كوشتىڭ قانداي قونالقاعا قونارىن, نەندەي كەپ شەرتەرىن بولجاپ, ءبىلىپ الماي – كوشكە ىلەسە بەرۋىمىز كەرەك. كەلەشەك بارار جەرىمىزدى مەجەلەپ, ەلەستەتىپ العانىمىز اۋاداي قاجەت-اق. سول سەبەپتى تاپ بۇگىن الدى-ارتىمىزعا قاراپ, ەرتەڭگى بارار جەرىمىزدى ويشا بارلاپ, كوز جەتكىزەر ستراتەگيالىق پايىمعا جۇگىنگەننىڭ ەش ارتىقتىعى جوق.
تاجىريبە بۇرىن بولعان. احمەت بايتۇرسىنوۆ باستاعان الاش ليدەرلەرى باستىڭ اياق, اياقتىڭ باس بولىپ بىلىققان سوناۋ حح عاسىر باسىندا-اق قازاق قاۋىمىنىڭ كەلەشەگىن ويلاپ, ءبىزدىڭ مەملەكەتتىك شەكارامىز مىنا تۇستان ءوتۋى كەرەك... بىزدەر رەسەي فەدەراتسياسىنىڭ ۇساق بولشەگى بولماي, ءوز الدىمىزعا رەسپۋبليكا دارگەيىندە, تەڭ قۇقىلى ەل بولىپ بىرىككەنىمىز ءجون... مىناداي ستراتەگيالىق مەجەمىز سىزۋلى دەپ قىزىل توڭكەرىس كوسەمدەرىنىڭ كوزىن جەتكىزدى, يلاندىردى, دامۋدىڭ دەموكراتيالىق جولىن سىزىپ كورسەتتى. بۇل كۇندە كوزگە توپىراق شاشىپ, كەشەگىنىڭ ءبارىن ءۇر-ريت-سوقپەن توندىرە جامانداۋدىڭ قاجەتى بولماس. تەڭ قۇقىلى ۇلتتىق رەسپۋبليكا دارگەيىندە رەسەيگە ءوز ەركىمىزبەن قوسىلۋدى كىمدەر ءولىپ-ءوشىپ قولداعانىن بىلەمىز. وداقتاس رەسپۋبليكالار دارەجەسىندە عانا مەملەكەتتىڭ بىرىگۋىنە قارسى بولىپ, ۇلكەن ءپاتۋالى ءىس پەن ءسوزدىڭ اياعىن سيىرقۇيىمشاق قىلىپ, دەموكراتيالىق نەگىزدە قۇرىلعان كسرو-نى – ۇرتوقپاق يمپەرياعا كىمدەر اينالدىرىپ جىبەرگەنىن تاعى بىلەمىز.
بۇل ءۇشىن الابوتەن دانىشپان بولۋدىڭ قاجەتى جوق. تەك قانا وتكەن عاسىردىڭ 20-30-جىلعى دەرەكتىك قۇجاتتارىنا ىجداعاتپەن ۇڭىلسەك جەتەدى. سول سەبەپتى بىزگە ستراتەگيالىق پايىم اۋاداي قاجەت. ەل بولىپ ەتەك جيدىق, ەڭسە كوتەردىك, ەندى نەگە جيىرما, وتىز جىلدان كەيىن وركەنيەت كوشىنىڭ قاي تىزبەگىندە بولاتىنىمىزدى بولجاپ, مولشەرلەپ, پايىمداپ الماسقا. بۇل رەتتەگى زيالى قاۋىمنىڭ كەلەشەكتى ويلاعان بولجال-بىلىگىن جۇرەك تورىندە ۇستاعان ءلازىم.
وسىندايدا ويدان وي تۋىندايدى. جاسىراتىنى جوق, ءبىراز كىسىلەرىمىز تاۋەلسىزدىكتى– اعاش قۋىرشاق – بۋراتينوعا اينالدىرىپ الدى. كەز كەلگەن جەرگە, كەز كەلگەن ويىنعا تىقپالاۋعا اۋەس. ال, قازاق ءۇشىن تاۋەلسىزدىكتىڭ اق تاڭى اتتى دەلىك, اسپاننان شۇعا جاۋدى دەلىك. ال, اتا-باباسىنان قازاقستاندا تۇراتىن تاتار, ۇيعىر, ورىس, ۋكراين, وزگە دە پەرەسەلەندەر ءۇشىن تاۋەلسىزدىك ۇعىمى, تاۋەلسىزدىك كۇنى نە بەردى؟.. قازاق جەرىندەگى ورىستارعا تاۋەلسىزدىك نەندەي پىشىمدە كورىنىس تابادى. ولار بۇگىن «ال, قازاقتار, سەندەرگە تاۋەلسىزدىك تاڭى اتقان ەكەن, بىزدەر ورىستار – كۇنى ەرتەڭ ءشۇۋ قاراقۇيرىق دەپ تاريحي وتانىمىزعا كوشىپ كەتەلىك» دەمەيدى عوي. سول باياعى ۇرپاق ءوربىتىپ, وت تۇتەتكەن جەرىندە وتىرا بەرەدى. وركەنيەت ۇدەرىسى اساۋ وزەندەي القىن-جۇلقىن كيمەلەۋى بوتەن. دومالاق جەردىڭ ادام اياعى باسپاعان ۇلتاراقتاي جەرى قالمادى. اق ۇيدەگى ءوتىپ جاتقان ءماجىلىستى سول زاماتىندا وتباسىنداعى تەلەەكراننان كورە الامىز. سوندا دەيمىن عوي. تاۋەلسىزدىك دەگەنىمى
