شىعىس قازاقستان وبلىسىنىڭ قاتونقاراعاي اۋدانىندا ۇزدىكسىز جاۋعان جاۋىننىڭ سوڭى تاۋدان جەر جىنىستارىن سىرعىتىپ اڭعار جيەكتەرىن باسىپ قالۋعا اپارىپ سوقتىردى. وسى كوشكىن كەزىندە اۋدانداعى ليستۆياگا جوتاسىنىڭ جوندارىنان ءۇش مىڭ تەكشە مەترگە جۋىق توپىراق ەڭىسكە ەندەي جايىلدى.
وبلىستاعى بۇل توتەنشە جاعداي جەرگىلىكتى ماڭىزى بار بەرەل مۇراجايى باعىتىنداعى شۇباراعاش اۋىلى تاس جولىنىڭ 77-ءشى شاقىرىمىندا ورىن الدى. جەر قىرتىسى كوشكىنىنىڭ ءبىر بولىگى تەك تراسسانى عانا ەمەس, سوحاتۋشكا وزەنىنىڭ اڭعارىن دا باسىپ قالدى. الايدا, اعىسى قاتتى تاۋ سۋى ءبىرازدان كەيىن بۇل ءۇيىندىنى وزىمەن بىرگە ەڭىسكە اعىزىپ الىپ كەتتى.
وقيعا بولعان جەرگە شۇعىل قۇرىلعان اۋداندىق كوميسسيا ءمۇشەلەرى مەن اۆاريالىق جۇمىستاردى اتقاراتىن بريگادا جەدەلدەتىپ جەتتى. كوميسسيانىڭ بايانداۋىنشا زارداپ شەككەندەر جوق.
مۇرات ايتقوجا.
