جۋىردا قازاقستان رەسپۋبليكاسىنىڭ قىتايداعى ەلشىسى نۇرلان ەرمەكباەۆ قحر-دىڭ سىرتقى ىستەر ءمينيسترى ۆان يمەن كەزدەستى, دەپ حابارلادى ءسىم ءباسپاسوز قىزمەتى.
جۋىردا قازاقستان رەسپۋبليكاسىنىڭ قىتايداعى ەلشىسى نۇرلان ەرمەكباەۆ قحر-دىڭ سىرتقى ىستەر ءمينيسترى ۆان يمەن كەزدەستى, دەپ حابارلادى ءسىم ءباسپاسوز قىزمەتى.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ وزەكتى ماسەلەلەرىن, سونداي-اق قىتايدىڭ سىرتقى ساياسي ۆەدومستۆو باسشىسىنىڭ قازاقستانعا رەسمي ساپارىنا قاتىستى ماسەلەلەردى جانە 2013 جىلعى 6-8 قىركۇيەككە جوسپارلانعان قىتاي حالىق رەسپۋبليكاسىنىڭ توراعاسى سي ءتسزينپيننىڭ العاشقى مەملەكەتتىك ساپارىن ازىرلەۋ ماسەلەلەرىن تالقىلادى.
ۆان ي ەكى ەل باسشىلارىنىڭ كەزدەسۋى سوڭعى جارتى جىلدا ەكىنشى رەت بولاتىنىنا ەرەكشە كوڭىل اۋدارىپ, مۇنىڭ قازاقستان-قىتاي قاتىناستارىنىڭ جوعارى دەڭگەيىن دالەلدەيتىنىن اتاپ ءوتتى. ول قحر توراعاسى سي ءتسزينپيننىڭ قازاقستانعا ساپارى بارىسىندا ەكى مەملەكەت اراسىنداعى ءوزارا ءتيىمدى ىنتىماقتاستىقتىڭ ودان ءارى دامۋىنىڭ نەگىزدەرى قالاناتىنىنا سەنىم ءبىلدىردى.
