باسىلىم باسشىلارى • 27 اقپان، 2020

باسىلىم باسشىلارى - ەركىن قىدىر (1962)

18 رەتكورسەتىلدى

ەركىن قىدىر 1962 جىلى وڭتۇستىك قازاقستان وبلىسى وتىرار اۋدانىندا تۋعان. 1984 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن. 1985-1990 جىلدارى شىمكەنت وبلىستىق «وڭتۇستىك قازاقستان» گازەتىندە ەڭبەك ەتتى.

1990-1996 جىلدارى رەسپۋبليكالىق «سوتسياليستىك قازاقستان» (قازىرگى «Egemen Qazaqstan») گازەتىنىڭ وڭتۇستىك قازاقستان وبلىسى بويىنشا مەنشىكتى ءتىلشىسى بولدى.

1996 جىلدان «ەگەمەن قازاقستان» گازەتى باس رەداكتورىنىڭ ورىنباسارى، ءبىرىنشى ورىنباسارى.

2007-2008 جىلدارى «ەگەمەن قازاقستان» رگ» اق ديرەكتورى، 2008- 2016 جىلعا دەيىن اكتسيونەرلىك قوعام ۆيتسە-پرەزيدەنتى (باسقارما توراعاسىنىڭ ورىنباسارى) بولدى.

2016 جىلدىڭ ءساۋىر ايىندا «ەگەمەن قازاقستان» رگ» اق باسقارما توراعاسى بولىپ تاعايىندالدى.

2017 جىلعى ناۋرىزدان باستاپ رەسپۋبليكالىق «استانا اقشامى» گازەتىنىڭ باس رەداكتورى بولىپ قىزمەت اتقارادى.

ەركىن قىدىر اقپارات سالاسىندا اتقارعان جەمىستى قىزمەتى ناتيجەسىندە 1999 جىلى قازاقستان رەسپۋبليكاسى پرەزيدەنتى سىيلىعىنىڭ لاۋرەاتى اتانسا، 2010 جىلى قازاقستاننىڭ ەڭبەك سىڭىرگەن قايراتكەرى قۇرمەتتى اتاعىنا قول جەتكىزدى. ول، سونىمەن قاتار، «اقپارات سالاسىنىڭ ۇزدىگى»، «مادەنيەت سالاسىنىڭ ۇزدىگى» توسبەلگىلەرىنىڭ يەگەرى.

«ۇساقتالما، ۇكىمەت»، «وتىرار»، «كاۋسار كەز» كىتاپتارىنىڭ اۆتورى (1999).

سوڭعى جاڭالىقتار

ۇقساس جاڭالىقتار