وڭىردە يننوۆاتسيالىق جاڭارۋ باعىتىندا عىلىمي-تەحنيكالىق كەڭەس قۇرىلىپ, جوعارى وقۋ ورىندارىندا يننوۆاتسيالىق ورتالىقتار جۇمىس جاساۋدا. العاش 2007 جىلى سول كەزدەگى ۋنيۆەرسيتەت رەكتورى ەرلان ارىننىڭ باستاماسىمەن سۇلتانماحمۇت تورايعىروۆ اتىنداعى ۋنيۆەرسيتەتتە عىلىمي-تەحنيكالىق پارك اشىلدى. پاركتە دايىندالعان يننوۆاتسيالىق جوبالار ەلىمىزدىڭ ءبىلىم جانە عىلىم مينيسترلىگى ارقىلى قارجىلانۋدا.
وڭىردە يننوۆاتسيالىق جاڭارۋ باعىتىندا عىلىمي-تەحنيكالىق كەڭەس قۇرىلىپ, جوعارى وقۋ ورىندارىندا يننوۆاتسيالىق ورتالىقتار جۇمىس جاساۋدا. العاش 2007 جىلى سول كەزدەگى ۋنيۆەرسيتەت رەكتورى ەرلان ارىننىڭ باستاماسىمەن سۇلتانماحمۇت تورايعىروۆ اتىنداعى ۋنيۆەرسيتەتتە عىلىمي-تەحنيكالىق پارك اشىلدى. پاركتە دايىندالعان يننوۆاتسيالىق جوبالار ەلىمىزدىڭ ءبىلىم جانە عىلىم مينيسترلىگى ارقىلى قارجىلانۋدا. مىسالى, 20-عا تارتا جوبا اتالعان مينيسترلىك ارقىلى ارنايى گرانتتارعا يە بولدى. سونداي-اق, ۋنيۆەرسيتەتتە ءوڭىردىڭ الىپ كاسىپورىندارىنىڭ سۇرانىسى بويىنشا دا جوبالار ازىرلەيدى. بۇل رەتتە, «پاۆلودار مۇناي-حيميا زاۋىتى», «قازاقستان ءاليۋمينيى» اكتسيونەرلىك قوعامدارى, اقسۋ فەرروقورىتپا زاۋىتىنان ۇسىنىستار بار. قازىر پارك عالىمدارى ەنەرگيا ۇنەمدەۋ باعىتىنا باسا ءمان بەرىپ وتىر. وسىعان بايلانىستى دايىندالعان 14 جوبا ەلىمىزدىڭ يندۋستريا جانە جاڭا تەحنولوگيالار مينيسترلىگىمەن ماقۇلداندى.
ولار استانادا وتەتىن ەحرو-2017 حالىقارالىق كورمەسىنە قاتىسۋ مۇمكىندىگىنە يە. قۋانىشتىسى, بۇگىندە ەنەرگيا ۇنەمدەۋگە قاتىستى ەكى جوبا حالىقارالىق كورمەدە كوپشىلىك نازارىنا ۇسىنىلاتىنى بەلگىلى بولدى, دەيدى ۋنيۆەرسيتەتىنىڭ عىلىمي جۇمىستار جانە يننوۆاتسيالار جونىندەگى پرورەكتورى نۇرلان ەرجانوۆ. ۋنيۆەرسيتەتتە يننوۆاتسيالىق جوبالارعا ارنالعان ارنايى سايت ىسكە قوسىلدى. ەندى عالىمدار ءوز جوبالارىن وسى سايتقا ورنالاستىرا الادى. مۇنداعى ۇزدىك جوبالاردى مينيسترلىكتەر مەن كاسىپورىندار ءوز قاجەتىنە جاراتادى. بۇگىندە سايتتا 300-گە تارتا جوبا تىركەلگەن. ستۋدەنت عالىمدارعا دا قامقورلىق جاسالۋدا, يننوۆاتسيالىق ورتالىق اشىلعان. عىلىم جولىن قۋعان جاستار وسى جەردە باس قوسىپ, ءوز جوبالارىن جەتىلدىرە الادى. ءۇش ستۋدەنتتىڭ جوباسى رەسپۋبليكالىق دەڭگەيدەگى بايقاۋلارعا قاتىستى, ونىڭ بىرەۋى تۇڭعىش پرەزيدەنت قورى ارقىلى قارجىلاي قولداۋعا يە بولعان. يننوۆاتسيالىق ەۋرازيا ۋنيۆەرسيتەتىنىڭ عىلىمي جۇمىستار جانە حالىقارالىق ارىپتەستىك جونىندەگى پرورەكتورى ەۆگەني نيكيتيننىڭ ايتۋىنشا, وبلىستىڭ يننوۆاتسيا سالاسىنداعى جەتىستىكتەرى جاقسى. جەرگىلىكتى بيلىك تاراپىنان جاڭاشىل جوبالارعا ايرىقشا قامقورلىق جاسالۋدا.
فاريدا بىقاي,
«ەگەمەن قازاقستان».
پاۆلودار وبلىسى.
