قوعام • 27 اقپان، 2020

ەلوردانىڭ كولىك كومپانياسى ءوز اتاۋىن وزگەرتتى

19 رەتكورسەتىلدى

«استانا LRT» جشس ءوز اتاۋىن وزگەرتتى. قالا باسشىلىعى سەرىكتەستىكتىڭ اتاۋىن وزگەرتىپ، رەبرەندينگتىڭ ءتيىستى شارالارىن قابىلداۋ تۋرالى شەشىم قابىلدادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

كولىك كومپانياسى باسشىسىنىڭ ايتۋىنشا، بۇل شەشىم حالىقارالىق تاجىريبەگە نەگىزدەلىپ جاسالدى، ول بويىنشا مەكەمە اتاۋى ونىڭ قىزمەتىن كورسەتىندەي الەمدىك ۇردىستەرگە سايكەس وڭتايلى بولۋى شارت. «استانا LRT» جشس-ءنىڭ جاڭا اتاۋى – City Transportation Systems.

قازاق تىلىندەگى اۋدارماسى –  قالالىق كولىك جۇيەلەرى. «اعىلشىن تىلىندەگى اتاۋ كەزدەيسوق تاڭدالعان جوق. سەبەبى، ءبىزدىڭ كومپانيا حالىقارالىق قوعامدىق كولىك وداعىنىڭ مۇشەسى بولىپ تابىلادى»، - دەدى بەكمىرزا يگەنبەردينوۆ.

كومپانيا باسشىلىعىنىڭ حابارلاماسىنا سايكەس، سەرىكتەستىكتىڭ نەگىزگى باسىمدىقتارى قوعامدىق كولىكتى دامىتۋ جانە تۇتىنۋشىلارعا بارلىق جاعدايدى جاساۋ بولىپ تابىلادى.

سوڭعى جاڭالىقتار

ۇقساس جاڭالىقتار