الەم • 27 اقپان، 2020

ەۋروداق شەنەۋنىكتەرىنە WhatsApp، Facebook مەسسەندجەرلەرىن پايدالانۋعا بولمايدى

274 رەتكورسەتىلدى

ەۋروكوميسسيا بۇدان بىلاي WhatsApp، Facebook Messenger جانە Apple’s Messages مەسسەندجەرلەرى قاۋىپسىز قولدانبالار بولىپ تابىلمايتىنىن حابارلادى.

Politico باسىلىمىنىڭ جازۋىنشا بۇعان سەبەپ قىزمەتتىك اقپاراتتىڭ تاراپ كەتكەنى بولىپ وتىر. ەۋروشەنەۋنىكتەرگە Signal مەسسەندجەرىن پايدالانعان دۇرىس دەگەن ۇسىنىستار ايتىلۋدا. ال، تاعى ءبىر مەسسەندجەر Telegram تۋرالى اڭگىمە قوزعالماعان.

رەسەيگە قاشىپ كەتكەن اقش ۇلتتىق قاۋىپسىزدىك اگەنتتىگىنىڭ ۇرىنعى قىزمەتكەرى ەدۆارد سنوۋدەننىڭ پىكىرىنشە WhatsApp پەن Telegram مەسسەندجەرلەرىنە قاراعاندا Signal نەمەسە Wire اناعۇرلىم قاۋىپسىز ەكەن.

2017 جىلدىڭ سوڭىندا سنوۋدەن مەن دۋروۆ Telegram قاۋىپسىزدىگى تۋرالى ايتىسقان بولاتىن. وندا دۋروۆ ەكس-بارلاۋشىنىڭ قۇپيا چاتتاردىڭ جۇمىس پرينتسيپىنەن حابارى از ەكەنىن ەكەنىن ايتقان بولاتىن. 2019 جىلعى مامىردا رەسەيلىك مامان WhatsApp مەسسەندجەرىن سىناپ، ءار ادام 3 تانىسىن Telegram-عا اۋىسۋىن شاقىرعان بولاتىن.

بيىلعى قاڭتاردىڭ اياعىندا دۋروۆ WhatsApp-تىڭ ءالسىز جاقتارى تۋرالى تاعى دا ايتقان بولاتىن. ونىڭ ويىنشا بۇل مەسسەندجەر ورناتىلعان سمارتفوننان حاكەرلەر ادامنىڭ جەكە باسىنىڭ دەرەكتەرىن وڭاي ۇرلاي الادى. بۇعان Facebook كومپانياسى ەشقانداي دا دالەل جوعىن العا تارتقان ەدى.

دەگەنمەن دە ايگىلى ميللياردەر دجەفف بەزوستىڭ WhatsApp مەسسەندجەرىندەگى جازبالارى مەن فوتولارى قولدى بولىپ كەتكەن ەدى. دۋروۆ مەسسەندجەر رەتىندە Telegram پايدالانىلعاندا ونداي پروبلەما بولماس ەدى دەيدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار