قوعام • 27 اقپان، 2020

ەرەكشە كۇتىمدەگى بالالاردى ەمحاناعا ونلاين تىركەۋگە بولادى

12 رەتكورسەتىلدى

نۇر-سۇلتاندا ەرەكشە قاجەتتىلىكتەرى بار بالالاردىڭ انالارى ونلاين تۇردە پمپك ەمحاناسىنا تىركەلە الادى. بۇل تۋرالى قالا اكىمىنىڭ ورىنباسارى ماليكا بەكتۇروۆا ءوزىنىڭ Telegram كانالىندا مالىمدەدى. 

«ەرەكشە كۇتىمدى قاجەت ەتەتىن ءسابيى بار اناعا پسيحولوگيالىق، مەديتسينالىق جانە پەداگوگيكالىق كوميسسيادان ءوتۋ وناي ەمەس - بارلىق قۇجاتتاردى جيناۋ، ءوتىنىش جازۋ جانە بالامەن ءتىرى كەزەكتە بىرنەشە ساعات تۇرۋ وتە قيىن. وسىنىڭ ءبارىن ءتۇسىنىپ، ءبىز پروتسەستى جەڭىلدەتۋگە جانە ىڭعايلى ەتۋگە تىرىستىق. ەندى ءسىز بالانى پمپك ەمحاناسىنا ۇيدەن شىقپاي-اق تىركەي الاسىز»، - دەدى ماليكا بەكتۇروۆا.

ەمحاناعا تىركەلۋ ءۇشىن e.astana.kz سايتىنا كىرىپ، «پمپك-عا تاعايىنداۋ جانە ەمتيحان» ءبولىمىن تاڭداپ، ءوتىنىش قالدىرۋ قاجەت. «سونىمەن بىرگە ءبىز ەرەكشە قاجەتتىلىكتەرى بار بالالاردى مامانداندىرىلعان بالاباقشالارعا، مەكتەپتەر مەن باسقا مەكەمەلەرگە قابىلداۋدى جەڭىلدەتۋگە تىرىستىق»، - دەلىنگەن قالا اكىمى ورىنباسارىنىڭ حابارلاماسىندا.

ورىن الۋ ءۇشىن e.astana.kz پورتالىنا كىرىپ، «ارنايى ءبىلىم بەرۋ ۇيىمدارىنا تىركەلۋ» ءبولىمىن تاڭداپ، ءوتىنىش جازۋ كەرەك. تۇزەتۋشى، ينكليۋزيۆتى ۇيىمعا كەزەك اۆتوماتتى تۇردە قۇرىلادى. جۇيەنىڭ ءوزى ارنايى كوميسسيانىڭ قورىتىندىسىنا سايكەس نۇسقالاردى ۇسىنادى. تاڭدالعان وقۋ ورنىندا بوس ورىن بولعان كەزدە، ول بىردەن كەزەكتە كەلەسى تۇرعانعا بەرىلەدى.

سوڭعى جاڭالىقتار

ۇقساس جاڭالىقتار