ايماقتار • 27 اقپان، 2020

الماتى قۇرىلىسشىلارى الەۋمەتتىك نىساندار سالۋعا دايىن

13 رەتكورسەتىلدى

الماتى اكىمدىگىندە قۇرىلىس كومپانيالارىنىڭ باسشىلارىمەن كەزدەسكەن قالا اكىمى ب. ساعىنتاەۆ تۇرعىن ءۇي قۇرىلىسىنا قاتىستى ماسەلەلەردى تالقىلادى.

قالا اكىمدىنىڭ ءباسپاسوز قىزمەتىنىڭ مالىمەتتەرىنە سۇيەنەتىن بولساق، وتكەن جىلى 2،1 ملن شارشى مەترگە جۋىق ءۇي پايدالانۋعا بەرىلسە، بيىلعى جىلى شامامەن 2،2 ملن شارشى مەتر تۇرعىن ءۇي نەمەسە 19،5 مىڭ پاتەر سالۋ جوسپارلانعان. ونىڭ ىشىندە، 1553 مىڭ شارشى مەتر كوممەرتسيالىق قۇرىلىس نەمەسە 16029 پاتەر، 593 مىڭ شارشى مەتر جەكە تۇرعىن ءۇي نەمەسە 2374 تۇرعىن ءۇي. مەملەكەتتىك بيۋدجەت ەسەبىنەن 64،5 مىڭ شارشى مەتر تۇرعىن ءۇي نەمەسە 1130 پاتەر سالۋ جوسپارلانۋدا.

قالا اكىمى ب. ساعىنتاەۆ اتاپ وتكەندەي، سالىنعان ءاربىر جاڭا ءۇي قالا جۇيەسىنە ايتارلىقتاي جۇكتەمە تۇسىرەدى. مىسالى، تەك ناۋرىزباي اۋدانىنىڭ وزىندە عانا شامامەن 500 مىڭ شارشى مەتر تۇرعىن ءۇي پايدالانۋعا بەرىلدى. وسىعان وراي، قالانىڭ جول-كولىك ينفراقۇرىلىمىنىڭ جۇكتەمەسى ارتىپ وتىر. سوندىقتان اباي داڭعىلىن ۇڭگىلەۋ جۇمىستارىنىڭ قارقىندى ءجۇرۋى ماڭىزدى.

اكىم اتاپ وتكەنىندەي، ەكونوم-سىنىپتى ۇيلەرگە ينجەنەرلىك كوممۋنيكاتسيالاردى جۇرگىزگەن كەزدە پاتەرلەردىڭ قولجەتىمدىلىگىنە ءمان بەرىلەتىن بولادى. اسا ماڭىزدى ماسەلەنىڭ ءبىرى، جوعارىدا اتاپ وتكەنىمىزدەي، قالالىقتار سانىنىڭ ارتۋىنا وراي الەۋمەتتىك نىساندارعا تۇسەتىن جۇكتەمەنىڭ ۇلعايۋى. قۇرىلىس كومپانيالارىنىڭ باسشىلارى بۇل پروبلەمانى بىرگە شەشۋگە دايىن ەكەندىكتەرىن ءبىلدىردى. كەشەندى قۇرىلىس بارىسىندا مەكتەپتەرگە، بالا باقشالارعا، ەمحانالارعا تۇسەتىن جۇكتەمەنى الدىن الا بولجاپ، الەۋمەتتىك نىسانداردى سالۋدىڭ تەتىكتەرى انىقتالاتىن بولادى.

بوس الاڭداردىڭ تاپشىلىعىنان قۇرىلىس نارىعىنا قاتىسۋشىلارمەن بىرگە «ەسكى ءۇي» باعدارلاماسىنىڭ ماڭىزى ارتادى. بۇگىنگى كۇنى قالادا 1440 ءۇي وسى ساناتقا جاتادى.

سالىناتىن ءار شارشى مەتردىڭ قولجەتىمدىلىگى ءۇشىن قۇرىلىستى جۇرگىزۋشىلەر وتاندىق وندىرۋشىلەردەن قۇرىلىس جانە ارلەۋ ماتەريالدارىن ساتىپ الۋ كولەمىن ۇلعايتۋعا دايىن ەكەندىكتەرىن مالىمدەدى. مۇندا اڭگىمە سانفايانس، كافەل، كابەل، سانتەحنيكا جانە باسقا ونىمدەر تۋرالى بولۋدا. باستى شارت – ساپانىڭ حالىقارالىق ستاندارتتارىنا ساي بولۋ. سوندىقتان قالا اكىمى ب. ساعىنتاەۆتىڭ تاپسىرماسى بويىنشا الماتىنىڭ يندۋستريالدى ايماعىنداعى «قاراپايىم زاتتار ەكونوميكاسى» باعدارلاماسى اياسىنداعى جوبالاردى جۇزەگە اسىرۋ جونىندەگى جۇمىستار جانداندىرىلادى.

كەزدەسۋ بارىسىندا قۇرىلىستى سالۋشىلارعا اكىمدىكتىڭ قالانىڭ تاريحي ورتالىعىندا جانە اۋلالاردا ورنالاسقان ۋچاسكەلەردە ءۇي سالۋعا تىيىم سالاتىنى ەسكەرتىلدى.

«قالا وسۋدە، سوندىقتان قۇرىلىس مەگاپوليستىڭ جەتەكشى درايۆەرى بولىپ قالا بەرەدى. مۇندا بارلىق تاراپتاردىڭ – اكىمدىكتىڭ، قۇرىلىسشىلاردىڭ جانە تۇرعىنداردىڭ مۇددەلەرىن ساقتاۋ ماڭىزدى. بۇعان اشىق ديالوگ ارقىلى قولجەتكىزۋگە بولادى. ونى تۇراقتى جۇرگىزەتىن بولامىز»،- دەپ اتاپ ءوتتى قالا باسشىسى.

 

الماتى

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

وڭ وزگەرىستەرگە جول اشادى

پىكىر • بۇگىن، 08:09

شىرعالاڭ شىندىعى

الەم • بۇگىن، 08:04

ۇقساس جاڭالىقتار