ايماقتار • 27 اقپان، 2020

ەڭبەكاقى كولەمىن ۇلعايتتى

16 رەتكورسەتىلدى

بيىلعى اقپان ايىنىڭ 20 جۇلدىزىندا اقتوبە وبلىسى تەمىر اۋدانىنداعى كەڭقياق كەن ورنىندا «ن-تەحسەرۆيس» كومپانياسى قۇرامىنداعى بريگادا جۇمىسشىلارى كەزەكتى اۋىسىمعا شىقپاي قالدى. وسى جاعدايعا باي­لانىس­تى كەڭقياققا شۇعىل اتتانعان وبلىس اكىمىنىڭ ورىنباسارى قايرات بەكەنوۆ پەن كومپانيا ديرەكتورىنىڭ مىندەتىن اتقارۋشى ۆان يلين جانە ەڭبەك ينسپەكتسياسىنىڭ وكىلدەرى ماسەلەنىڭ ءمان-جايىن انىقتاۋ كەزىندە داۋدىڭ باستى سەبەبى جالاقى مولشەرىنىڭ تومەندىگى ەكەنىن ءبىلدى.

وسىعان وراي اتالعان تاراپتار «ن-تەحسەرۆيس» كومپانياسىنىڭ بەيجىڭدەگى باس كەڭسەسىمەن ءتيىستى كەلىسسوزدەر جۇرگىزدى. سونىڭ ناتيجەسىندە ءبىر اۋىسىمنىڭ عانا ەمەس، سونى­مەن بىرگە ۆاحتالىق ادىسپەن جۇ­مىس ىستەيتىن بارلىق قىزمەت­كەر­لەردىڭ جالاقىسىن 33 پايىزعا كوتەرۋ جونىندە شۇعىل شەشىم قابىلداندى. وسى تۇستا بۇدان 1-2 اپتا بۇرىن «سNPC-اقتوبە مۇنايگاز» اق قۇرىلىمدارىنا قاراستى قىزمەتكەرلەردىڭ جالا­قىسى دا جوعارىدا كورسەتىلگەندەي كولەمدە وسكەنىن ايتا كەتكەن ءجون.

سەرۆيستىك كومپانيالار تابى­سىنىڭ ءوسۋى – تەك كومىرسۋتەگى شي­كىزاتىن وندىرۋگە عانا ەمەس، كورسەتىلەتىن قىزمەتتەر كولەمىنە دە بايلانىستى. بۇل رەتتە جەرگى­لىكتى اتقارۋشى ورگانداردىڭ تاريفتەردى كوتەرۋگە قاتىستى كەلىسسوزدەر جۇرگىزۋى وڭ ناتيجەگە باستاپ كەلەدى. ياعني، ۇسى­نىستار سەرۆيستىك كومپانيالار تاراپىنان قولداۋ تاۋىپ، بيىلعى  جىلدىڭ 1 ناۋرىزىنان باستاپ تاريفتەردىڭ قۇنى 10 پايىزعا ۇلعاياتىن بولدى. ءوز كەزەگىندە مۇنداي قادامدار مۇناي-گاز ءوندىرىسى سالاسىندا جۇ­مىس ىستەيتىن قىزمەتكەرلەردىڭ جالاقىسىن كوتەرۋ ىسىنە ءوز سەپ­تىگىن تيگىزبەك. سونداي-اق كەن ورىن­دارىندا جۇمىسشىلاردى ارنايى كيىم ۇلگىلەرىمەن جاساق­تاۋ جانە ساپالى تاماقپەن قامتۋ كەزىندە دە تۇيتكىلدەر بار ەكەنى بايقالدى. «ونى تۇبەگەيلى شەشۋدىڭ كىلتى ۇجىمدىق شارت­تار بولىپ وتىر.  ياعني، ال­داعى ۋا­قىتتا بۇل ماسەلەنى كاسىپ­­ورىن­دار مەن كاسىپوداق ۇيىم­دا­رىنىڭ باسشىلارى اراسىندا قول قويىلاتىن قۇجاتتار ارقىلى شەشۋ كوزدەلگەن.  تۇپتەپ كەلگەندە، باستى ماسەلە – شەتەلدىك كومپانيالارداعى جۇمىس كۇش­تەرىن بىرتىندەپ ازايتىپ، ولاردىڭ ورنىن قازاقستاندىق كادرلارمەن الماستىرۋ بولماق. بۇل باعىتتا مامانداردى ءوسىرۋ مەن قايتا ازىرلەۋگە قاتىستى ماسەلەلەر ال­­دىڭعى كەزەككە شىعادى. شەت­ەلدىك كومپانيا وكىلدەرى جۇر­گىزەتىن ءىستى قاتاڭ باقىلاۋعا الۋ­دىڭ قاجەتتىلىگى دە وسىندا»، دەي­دى وبلىس اكىمىنىڭ ورىنباسارى قايرات بەكەنوۆ.

مىنە، جوعارىدا كورسەتىلگەن دەرەكتەر وبلىستا جەراستى قازبا بايلىقتارىن يگەرۋ ءىسى سالاسىندا جۇمىس ىستەيتىن قىزمەتكەرلەردىڭ جالاقىلارىن ءوسىرۋ ىسىندە ءبىراز كەشەندى شارالاردىڭ قولعا الىن­عانىن كورسەتەدى. تالاس جوق، جا­عىمدى جايت. ايتسە دە قازىر وب­لىس تۇرعىندارىنىڭ ورتاشا ايلىق جالاقى­سىنىڭ كولەمى اتالعان سالاداعى ءوسىپ جاتقان جالا­قى ەسەبىنەن جاسالادى.

سونىڭ وزىندە وڭىردەگى ورتاشا جالاقى دەڭگەيى رەسپۋبليكالىق ورتاشا كورسەتكىشتەن 16 پايىزعا تومەن بولىپ وتىر. راس، وڭىردە ەڭ­بەكاقىنى ءوسىرۋ جونىندە بىر­قاتار جۇ­مىس اتقارىلعان. الدىڭعى جىلدارمەن سالىس­تىرعاندا بەلگىلى ءبىر دەڭگەيدە ءوسۋ كورسەت­كىشتەرى دە تىركەلدى. ايتسە دە ءازىر اقتو­بەلىك­تەر ورتاشا جالاقى مولشەرى جونىنەن ەلىمىزدە توعىزىنشى ورىندا تۇر ەكەن. سونداي-اق وبلىستاعى ورتاشا جالاقى مولشەرى رەسپۋب­ليكانىڭ باتىس وڭىرلەرى اراسىنداعى ەڭ تومەنگى كورسەتكىش ەكەنى قۋانتا قويمايدى. وبلىس اكىمى وڭداسىن ورازالين 2020 جىلدىڭ 12 اقپانى كۇنى تۇرعىندارعا بەرگەن ەسەبى كەزىندە مۇنى اشىق مالىمدەدى.

 

اقتوبە وبلىسى

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار