ايماقتار • 27 اقپان، 2020

سەرگەلدەڭگە سالعان سەرتيفيكات

57 رەتكورسەتىلدى

قوستاناي وبلىسىنداعى شاعىن تىگىن تسەحتارى جاپپاي جابىلىپ قالۋى مۇمكىن. تسەحتار يندۋستريالىق سەرتيفيكاتتىڭ جوقتىعىنان بۇعان دەيىن وزدەرى قىزمەت كورسەتىپ كەلگەن مەكەمەلەردەن تاپسىرىس الا الماي وتىر. بىلتىر قىركۇيەك ايىنان باستاپ مۇنداي تاپسىرىستار مەملەكەتتىك ساتىپ الۋ ۆەب-پورتالى ارقىلى عانا قابىلدانا باستاعان. سودان بەرى تالاپ تا وزگەردى.

 

ەندى بىلىكتىلىك بويىن­شا الدىن الا ىرىكتەۋدەن ءوتىپ، ين­دۋستريالىق سەرتيفيكات ال­عان كاسىپورىندار عانا مەملە­كەتتىك ساتىپ الۋعا قاتىسا الا­دى. ال قوستانايداعى تابىسى ازىن-اۋ­لاق شاعىن تىگىن شە­بەر­حانالارىنىڭ ين­دۋستريالىق سەرتيفيكات الۋعا جۇم­سايتىن باسى ارتىق اقشاسى جوق. وسى­لايشا، وڭىرلىك جەڭىل ونەركاسىپتىڭ تا­مى­رىنا قان جۇگىرتىپ، كوپتەن بەرى مادە­نيەت، ءبىلىم جانە قۇقىق سالاسىن كيىن­دىرىپ كەلگەن 20-عا جۋىق شەبەر­حا­نانىڭ تىنىسى تارىلىپ، كاسىبى توقىراپ قالدى.

يندۋستريالىق سەرتيفيكات – جە­ڭىل ونەركاسىپ سالاسىنداعى ءاربىر ءون­دىرىس وشاعىنىڭ پاسپورتى ىسپەتتەس قۇجات. كاسىپورىننىڭ جالعان ەمەس، راسىمەن بار ەكەنىن، شىنايى تاۋار ءون­دىرىپ جاتقانىن راستايدى. ەڭ باستى­سى، وتاندىق تاۋار وندىرۋشىلەر اراسىن­داعى ادال باسەكەگە جول اشادى. سون­داي-اق، شەتەلدەن ارزان باعاعا كيىم-كە­شەك الىپ كەلىپ، وعان ء«وزىم ءوندىر­دىم» دەگەن بەلگى جاپسىرىپ، كوز بوياۋ­شى­لىقپەن مەملەكەتتىك ساتىپ الۋ كون­كۋرس­تارىن ۇتىپ الىپ جۇرگەن جالعان كاسىپورىنداردىڭ تامىرىنا بال­تا شابادى. «اتامەكەن» ۇكپ تارا­پى­نان بەرىلەتىن بۇل سەرتيفيكاتتى الۋ ءۇشىن كاسىپورىن ارنايى ساراپشى شاقىرتۋى كەرەك. ول الگى كاسىپ­ورىن­نىڭ سەرتيفيكاتقا لايىق نە لايىق ەمەسىن انىق­تايدى.

كاسىپكەرلەردىڭ ايتۋىنشا، قوستا­ناي­دا مۇنداي ساراپشى جوق. بۇل سانات­تاعى ماماندار ەلىمىزدە ساناۋلى عانا. جەڭىل ونەركاسىپ سالاسىندا جۇمىس ىستەپ جاتقان 1030 وتاندىق كاسىپورىنعا 15 ساراپشى عانا قىزمەت كورسەتەدى. ولاردىڭ مەكەنجايىن «اتامەكەننىڭ» رەسمي سايتىنان تابۋعا بولادى.

ساراپشى تاپسىرىس بەرگەن كاسىپ­ورىنعا ساراپتاما جاساپ، ونىڭ قو­رى­تىندىسىن وڭىرلىك كاسىپكەرلەر پالاتاسىنا وتكىزەدى. پالاتا ەشكىمدى الالامايدى. تالاپقا ساي بولسا، ۇلكەن فابريكاعا دا، 2-3 ادام جۇمىس ىستەيتىن شاعىن تىگىن شەبەرحاناسىنا دا سەرتيفيكات ۇستاتادى.

– الايدا ەسەپتەپ كورسەك، يندۋس­تريالىق سەرتيفيكاتتىڭ قۇنى 700 مىڭ تەڭگە بولادى ەكەن. ونىڭ ىشىنە ساراپ­شىنىڭ ارى-بەرى جۇرەتىن جولاقىسى، جاتىن ورنى، اس-سۋى، ءىسساپار پ ۇلى كىرەدى. بالكىم، بۇل ىرگەلى كاسىپورىن «بولشەۆيچكا» تىگىن فابريكاسى ءۇشىن تۇك ەمەس شىعار. ءبىز سياقتى 4-5 ادامنان تۇراتىن شاعىن شەبەرحانا مۇنداي قارجىنى تولەي المايدى، – دەيدى كاسىپكەر جانار سارسەنباەۆا.

ىسمەر تۇرعىنداردان تۇسكەن جەكە تاپسىرىستاردى ورىنداۋ­مەن قاتار، ونشاقتى جىلدان بەرى ىشكى ىس­ت­ەر ورگاندارى مەن قوستاناي، اقمولا، اقتوبە، پەت­رو­پاۆل وبلىس­­تارىنىڭ پروكۋراتۋراسىنا، قۇتقا­رۋ­شى­لار­عا، كۋر­سانتتار مەن مەكتەپ وقۋ­شى­لا­رى­نا مەم­لەكەتتىك تاپسىرىس بويىنشا ارنا­يى كيىم تىگەدى. بىراق جىل باس­تالعالى رۇقسات قا­عازى جوق كاسىپكەرلەر ءۇشىن مەم­لە­كەت­تىك ساتىپ الۋ پورتالى جابىق تۇر­عان­دىق­تان، كونكۋرستاردى سىر­تىنان قى­زىقتاعانى بولماسا، تىكە­لەي قا­تى­سا الماي وتىر.

كاسىپكەرگە بۇرىننان تاپسىرىس بەرەتىن مەملەكەتتىك ورگاندار «سەرتيفيكات قاشان الاسىز؟» دەپ كۇندە قوڭىراۋ شالاتىن كورىنەدى. ويتكەنى شاعىن تاپسىرىس بەرەتىن مەكەمەلەرگە شاعىن شەبەرحانا قولايلى. ونىڭ ۇستىنە ءبىراز جىلدان بەرى قوستاراپتى ىسكەرلىك سەنىم قالىپتاسىپ قال­عان. تىگىن شەبەرحاناسى تاپسىرىس بەرگەن مەكەمەنىڭ ءار قىز­مەت­كەرىنە جەكە توقتالىپ، الدىمەن ءۇش رەت ولشەپ، ءپىشىپ الادى. ادامنىڭ دەنە ءبىتىمىن، بويىن ءدال انىقتاپ الىپ، كيىم تىگۋگە سودان كەيىن عانا كىرىسەدى. ىسمەر­دىڭ ايتۋىنشا، ماسەلەن، 42-ءشى ولشەمدەگى كيىم كيەتىن ادام­­دار­عا بىردەي كيىم تىگۋگە بول­ماي­­دى. ويتكەنى ولاردىڭ دەنە بىتى­مىندە كوپ ايىرماشىلىق بولا­دى. شەبەرحانا وسىنىڭ بار­­لى­­عىن ەسكەرىپ وتىرادى. ال ۇلكەن فاب­ريكالار بۇعان باس اۋىرتىپ جات­پايدى. مىڭداپ تاپسىرىس تۇسە­تىندىكتەن، ولار كيىمدى تەك ولشەم بويىنشا عانا قابىلدايدى. قىز­مەتكەرلەرىن كيىندىرۋ ءۇشىن كوپ مەكەمەلەردىڭ شاعىن تىگىن تسەحتارىنا جۇگىنەتىنى دە وسىدان.

جانار سارسەنباەۆا وقۋشى­لار­عا ارناپ مەكتەپ كيىمىن دە تىگەدى. ماسە­لەن، وبلىس ورتا­لى­عىنداعى №115 مەكتەپتىڭ وقۋ­شى­لارى جىل سايىن وسى تىگىن تسەحى­نان كيىنەدى. ىسمەر مۇنداعى 5-6 جەتىم بالاعا مەكتەپ فورماسىن تەگىن تىگىپ بەرەدى. بۇگىندە بۇل وقۋ وشاعىندا 686 بالا ءبىلىم الادى. بىلتىر سونىڭ جارتىسىنا جۋى­عى كيىم جاڭارتىپتى. ەر بالانىڭ كوستيۋم-شالبارى مەن كويلەك-گالستۋگىنە شامامەن 10-15 مىڭ، ال قىز بالانىڭ كيىمىنە 15-18 مىڭ تەڭگە كەتەدى. جاقسى، ءتىپتى 20 مىڭ تەڭگە كەتەدى دەيىكشى. سوندا يندۋستريالىق سەرتيفيكات الۋ ءۇشىن شاعىن عانا تىگىن تسەحىنا ءبىر مەكتەپتى ءبىر جىل تەگىن كيىندىرۋگە تۋرا كەلەدى.

20 اقپان كۇنى تاڭەرتەڭ وبلىس­تىق پروكۋراتۋرا مەملەكەتتىك سا­تىپ الۋ پورتالىنا كونكۋرس جا­ريا­­لا­­­عان. تاپسىرىس كولەمى شا­عىن عانا – 20 پلاشش، 20 كيتەل. بىراق بۇل كون­كۋرس­قا بىردە-ءبىر تىگىن فاب­­ري­كا­سى قاتىسپاعان. ويتكەنى ءىرى كاسىپ­ورىندار مۇنداي مايدا-شۇي­دە­گە باس اۋىرتقىسى كەلمەيدى. ال ونى الاتىن جانار سارسەنباەۆا سياقتى شاعىن شە­بەر­حانا يەلەرىنىڭ قو­لىن­دا سەرتي­فيكات جوق. وتكەن جىلى مەم­لەكەتتىك تاپسىرىس بويىنشا كيتە­لى، جەيدەسى، مەكتەپ فورماسى بار – بارلىعى 200-گە جۋىق كيىم تىككەن شەبەرحانا بيىل جەكە تۇرعىنداردان تۇسكەن ءبىردى-ەكىلى تاپسىرىستى عانا تالعاجاۋ ەتىپ وتىر.

سەرتيفيكاتقا قول جەتكىزە الماي سەرگەلدەڭگە تۇسكەن كاسىپ­كەر­دىڭ ءبىرى – ەۆگەنيا دومباەۆا. ول وبلىس­تىق فيلارمونيانىڭ ءانشى، بيشى­لە­رى­نە، تەاتر ارتىستەرىنە، اۋداندىق مادەنيەت ۇيلەرىنىڭ ونەر­­پازدارىنا ارناپ ۇلتتىق نا­ق­­ىش­­تاعى ساحنا كيىمدەرىن تىگەدى. كا­سىپكەر ماسە­لە­نىڭ تەك قار­جى­عا عانا تىرەلىپ تۇر­ما­عانىن اڭ­عارت­تى.

– يندۋستريالىق سەرتيفيكات الۋ ءۇشىن تىگىن ماشىڭكەلەرى جاڭا ءارى بەلگىلى ءبىر تالاپتارعا ساي بولۋى كەرەك. سونداي-اق شەبەر­حا­نا­­دا جۇمىس ىستەيتىن جۇمىس­شى­لاردىڭ جوعارى ءبىلىمدى ەكەنىن راس­تايتىن ديپلومى بولۋى ءتيىس. مە­نىڭ شەبەرحانامدا جۇمىس ىس­تەي­تىن شەبەرلەردىڭ قولى التىن. تا­جىريبەسى مول، كەز كەلگەن ءسان ۇل­گى­سىندەگى جوعارى ساپالى كوي­لەكتى تىگە الادى. بىلتىر ديپ­لومى بار ءبىر-ەكى قىز كەلدى. قاي­شىنى دۇرىس ۇستاي المايدى. ولاردى جۇمىسقا المادىم. وتكەن جىلى تاۋارلارىم «قازاق­ستاننىڭ ەڭ ۇزدىك تاۋارى» باي­قا­ۋىنا قاتىستى. سويتە تۇرا، مىنە، مەملەكەتتىك ساتىپ الۋ­دان شەتتەتىلىپ وتىرمىن، – دەيدى اشىن­­عان كاسىپكەر.

ىسمەر ايەلدەر ءماجىلىس دەپۋتاتى يرينا ارونوۆاعا ارنايى حات جازىپ، قۇقىقتارىن قورعاۋدى ءوتى­نىپ­تى. دەپۋتات ولاردىڭ ماسە­لە­سىن پار­لامەنتتە كوتەرىپ، ۇكى­مەت­تەن يندۋس­تريا­لىق سەرتيفيكات بەرۋ شارتتارىن قايتا قا­راۋدى سۇراعان. بۇل ماسەلە كاسىپ­كەرلەردىڭ پايداسىنا شە­شىل­­گەننىڭ وزىندە دە، وعان ءالى ءبىراز ۋاقىت كەتەدى. ويتكەنى زاڭ­عا وزگەرىس ەنگىزۋ وڭاي ەمەس.

كاسىپكەرلەردىڭ پىكىرىنشە، يندۋس­تريالىق سەرتيفيكات و باستا وتاندىق ونىمگە قولداۋ كورسەتۋ ماق­ساتىندا تالاپ ەتىلگەنىمەن، شاعىن، ورتا، ءىرى كاسىپورىنداردىڭ ءونىم شىعارۋ مۇمكىندىگى مەن قىز­مەت كورسەتۋ اياسى ەسكەرىلمەگەن. مەم­لەكەتتىك ساتىپ الۋعا قاتىسۋ ءۇشىن بارلىعىنان ءبىر سەرتيفيكات تالاپ ەتىلەدى. ناتيجەسىندە، تاياق­تىڭ ەكىنشى ۇشى شاعىن كاسىپ وشاق­تا­رىنا ءتيىپ كەتىپ، ولاردىڭ نارىق الاڭىنا شىعاتىن جولىن جاۋىپ تاستاپ وتىر.

– ەلىمىزدەگى شاعىن كاسىپ­كەر­لىك­تى دامىتۋ ءۇشىن يندۋس­تريا­لىق سەرتيفي­كات قاجەت ەكەنىن جاق­سى تۇسىنەمىن. بىراق ءبىز سياقتى ساۋ­سا­عىن ساۋىپ، كوز مايىن تاۋىسىپ تازا ەڭبەگىمەن ناپاقا ايىرىپ جۇرگەن شاعىن تىگىن تسەحتارىنا ونىڭ قاجەتى شامالى. بىزدە سەرتيفيكات قۇنىن تولەيتىن كۇش تە جوق. بۇعان دەيىن «مەملەكەتتىك ساتىپ الۋ تۋرالى» زاڭدا ءبىر كوزدەن ساتىپ الۋ تۋرالى تارماق بولاتىن. قازىر ونى الىپ تاستاپ وتىر. بۇرىن ءبىز وسى تارماق بو­يىنشا مەملەكەتتىك ساتىپ الۋ كونكۋرستارىنا ەركىن قاتىسىپ، جىلدىق ازىق بولاتىن تاپسىرىس الاتىنبىز. زاڭ شىعارۋشىلار وسى تارماقتى قايتا قالپىنا كەل­تىرىپ بەرسە دەگەن ءوتىنىشىمىز بار. ولاي بولماعان جاعدايدا اتەل­ەنى جاۋىپ، 20 شاقتى تىگىن تسە­حىندا تابىس تاۋىپ وتىرعان 100-گە جۋىق ادام جۇمىسسىزدار قاتارىنا قوسىلۋدان باسقا ايلا قال­مادى. بيىل مەملەكەت باسشى­سى شاعىن كاسىپكەرلىكتى تەكسەرۋ­گە مورا­تو­ري ەنگىزىپ، تابىسقا سا­لىناتىن سا­لىق­تان بوساتىپ وتىر. جۇمىس ءجۇرىپ تۇرسا، سالىق تو­لەۋ – بۇلجىماس مىن­دەتىمىز. تەك جە­ڭىل ونەركاسىپ سالا­سىن­داعى ءىرى ءوندىرىس وشاقتارى مەن شاعىن تىگ­ىن تسەحتارىنىڭ اراجىگىن اجى­راتىپ، ولاردىڭ مۇمكىندىكتەرىن ەسكەرە وتىرىپ، ارقايسىسىنا لايىق ءادىل تالاپ قويسا ەكەن. باس­تىسى، شاعىن كاسىپكەرلەر ءۇشىن مەملەكەتتىك ساتىپ الۋعا قا­تى­سۋ شارتىن جەڭىلدەتىپ، تاۋار ون­دى­رۋگە مۇمكىندىك جاسالادى دەپ ۇمىت­تەنەمىز، – دەيدى قوستانايلىق ىس­مەرلەر.

 

قوستاناي

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار