قاسقابۇلاق اۋىلىندا سوڭعى جىلدارى بىردە-ءبىر قىلمىس بولماعان. مال شارۋاشىلىعى ارقىلى كاسىبىن دامىتىپ وتىرعان تۇرعىنداردىڭ اراسىنان اتاۋلى الەۋمەتتىك كومەك الۋشىلار تىركەلمەگەن. اسىرەسە, اۋىل دۇكەندەرىندە ىشىمدىكتىڭ مۇلدەم ساتىلمايتىندىعى دا اۋىل تۇرعىنىدارىنىڭ جاقسىلىققا بەيىم ەكەنىن كورسەتەدى.
اۋىل تۇرعىندارى جاستاردىڭ ىشىمدىك ءىشىپ جۇرگەنشە, باستاماشىل ءارى ەڭبەككە بەيىم بولعانىن دۇرىس كورەدى. مۇنداعى ءار وتباسىندا شامامەن 5-6 بالادان بار دەسەك, اۋىل تۇرعىندارىنىڭ دەنى جاستار. 2018 جىلى پايدالانۋعا بەرىلگەن ورتا مەكتەپتە بۇگىندە 135 وقۋشى ءبىلىم الۋدا. سونداي-اق جاستار اۋىل كلۋبىندا جاقسى ىستەرگە ۇيىتقى بولىپ, ۇلكەندەرگە قولعابىس جاسايدى.
جامبىل وبلىسى
