كينو • 11 ناۋرىز، 2020

«باتىرلار» تاريحي دراماسى كورەرمەنگە جول تارتتى (ۆيدەو)

117 رەتكورسەتىلدى

12 ناۋرىزدان باستاپ قان مايداندا جەڭىلىستەن جاسقانباي، قارسىلاستان تايسالماي ەلدىڭ شەتىنە، جاۋدىڭ وتىنە، جاۋدىڭ بەتىنە تىك تۇرىپ، قارا ۇزگەن قازاق باتىرلارى تۋرالى - «باتىرلار» تاريحي كارتيناسى ەلىمىزدىڭ كينوتەاترلارىندا كورسەتىلە باستايدى.

قازاقستان تاريحىنداعى قاھارمان-باتىرلار مەن باھادۇرلەر تۋرالى كينوفيلم  ەلىمىزدىڭ  ۇلكەن ەكراندارىنان جول تارتادى. اتالمىش تۋىندىعا قاراساي باتىردىڭ، سونداي-اق، ونىڭ دوسى اعىنتاي  مەن  تايماس باتىرلاردىڭ ءومىرى مەن ەرلىگى ارقاۋ بولادى.

«قازاق كينوسىندا قازىرگى زاماننىڭ باتىرى جوق. ماسەلەن، قاراساي باتىر ءوز ەلى مەن وتباسى ءۇشىن كۇرەسكەن ناعىز ازامات. ونىڭ بالالارى سوعىستا قايتىس بولعان. ءوزى 19 جەكپە-جەككە قاتىسىپ، بىرەۋىنەن دە جەڭىلىس كورمەگەن. ول قازاق حالقىنىڭ بىرلىگىن اڭساعان. كينوفيلمدى كورگەن جاستار ءوز اتا-بابالارىنىڭ قازىرگى كەزدەگى ەلىمىزدىڭ جاعدايى ءۇشىن قالاي كۇرەسكەنىن كورە الادى»، - دەيدى كينوكارتيناسىنىڭ رەجيسسەرى اسقار ۇزاباەۆ.

باتىرلار

ەڭبەك جولىندا العاش رەت تاريحي جانردا تولىقمەتراجدى  «باتىرلار» كينوكارتيناسىن تاسپالاعان رەجيسسەر اسقار ۇزاباەۆ: «ول زامانداعى قازاق باتىرلارىنىڭ بارىنە ءتان تەك ءبىر عانا ءبىر ورتاق مۇددە، ورتاق قاسيەت بار. ول - وتانىنا، حالقىنا دەگەن شەكسىز سۇيىسپەنشىلىك. بۇل كينوفيلم  - «كەسكەلىسكەن شايقاستارعا تولى»، سەبەبى، سول كەزدىڭ ادامدارى از سويلەپ، داۋ-دامايدىڭ بارلىعى بىلەكتىڭ كۇشىمەن شەشىلگەن»،- دەپ ءسوزىن اياقتادى.

باتىرلار

كينوفيلمدە كورەرمەن ورتا عاسىرداعى سوعىس پەن قانتوگىسكە تولى زامانعا ساياحات جاسايدى. وسىنداي قيىن-قىستاۋ زاماندا دۇنيەگە كەلگەن بوزبالانى تاعدىرى باتىر بولۋعا يتەرمەلەيدى. جاستايىنان ەر مىنەزدى بولىپ وسكەن  قاراسايدى اكەسى التىناي باتىرلىق پەن باتىلدىققا باۋلىپ وسىرەدى. قاراپايىم بوزبالا قولباسشى اتاعىنا قالاي جەتتى؟ ول قانداي شايقاستاردا جەڭىسكە قول جەتكىزدى؟ قازاقتىڭ كەڭ دالاسىن ساقتاپ قالۋ ءۇشىن ول قانداي قادامدارعا باردى؟ وسى سۇراقتاردىڭ جاۋابىن «باتىرلار» كينوتۋىندىسىنان  كورە الاسىزدار.

باتىرلارر

فيلمدە  باستى رولدەردى - ەرجان نۇرىمبەت، نازار شەرحان، مۇرات بيسەنبين، سامال ەسلياموۆا جانە ت.ب. اكتەرلەر سومدايدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار