ارينە اۋىلدىق جەرلەرگە گازەت كەشىگىپ كەلەدى. ونى كۇتىپ وتىرماي, اپتاسىنا 6 رەت شىعاتىن گازەتتى تاڭەرتەڭ ينتەرنەت جەلىسى ارقىلى قاراپ, كۇندەلىكتى جاڭالىقتارعا, ماقالالارعا شولۋ جاساپ شىعامىن. تاڭەرتەڭ گازەتتىڭ سول كۇنگى سانىن قاراعاندا تاڭ اتپاي 170-200 وقىرماننىڭ قارايتىنىنا كۋا بولىپ ءجۇرمىن.
ەڭ الدىمەن, ءتول گازەتىمىزدە پرەزيدەنتتىڭ جارلىقتارى, شەشىمى, تاعى باسقا تاعايىنداۋلار, ۇكىمەتتىڭ قاۋلىلارى ناقتى جاريالانادى. ەشقانداي باسقا دالدىكتى, حابارلامانى قاجەت ەتپەيدى. سونىمەن بىرگە «ادەبيەت», «ميراس», «جادىگەر», «زەردە» ايدارلارىنان وزىمە قاجەتتى ماتەريالداردى الىپ, ساقتاپ قويامىن.
جاقىندا «قازاقستان» ۇلتتىق تەلەارناسىنان «سەن دە ءبىر كىرپىش دۇنيەگە» اتتى باعدارلاما كورسەتىلدى. ءتول گازەتىمىزدىڭ باسقارما توراعاسى د.قىدىرالى تىزگىندى ءوزى الىپ جۇرگىزۋمەن قاتار, كورەرمەندەردىڭ كوپتەگەن سۇراعىنا جاۋاپ بەردى. وسى جۇزدەسۋدەن كەيىن دە گازەتتىڭ ومىرشەڭدىگىنە كوز جەتكىزدىم. الاش قايراتكەرى ا.بايتۇرسىن ۇلى ايتقانداي «گازەت – حالىقتىڭ كوزى, قۇلاعى ءھام ءتىلى» بولىپ قالا بەرمەك.
گۇلجان توقمۇرزينا,
تاريح ءپانىنىڭ مۇعالىمى
اتىراۋ وبلىسى,
قىزىلقوعا اۋدانى,
قاراباۋ اۋىلى
