ەكونوميكا • 25 اقپان، 2020

ساۋداكەنتتىڭ شارۋالارى ساقاداي ساي

115 رەتكورسەتىلدى

اۋىل ادامدارىنىڭ تىرشىلىگى اركەلكى. ءوزىڭىز ويلاڭىزشى، ءۇي ىرگەسىندەگى الاقانداي جەردەن ءبىر وتباسى جىلىنا ميلليون تەڭگە تابىس تاۋىپ وتىر، ال ءبىر شارۋالار 6 گەكتار جەرىن جالعا بەرىپ قويىپ، جىلىنا بار-جوعى 150 مىڭ تەڭگە عانا الىپ وتىر. وسى دا ادىلدىك پە؟ نەگىزى جەر بوس جاتپاي، ناعىز جۇمىس ىستەيتىندەرگە بەرىلۋى كەرەك قوي. ياعني جەر تابىس كوزى بولۋى ءتيىس.

ونىڭ ىشىندە ءۇي ىرگەلىك جەر ءاربىر وتباسىنىڭ قازىناسىنا، بايلىعىنا اينالۋى كەرەك. مىنە، جامبىل وبلىسىندا اۋىل تۇرعىندارىنىڭ تابىسىن جاقسارتۋ ءۇشىن قوسالقى شارۋاشىلىقتاردى قولداۋعا باعىتتالعان قاناتقاقتى جو­با­نىڭ باستى ماقساتى – وسى. جالپى العاندا جەرى كەڭ سارىسۋ اۋدانىنداعى شار­ۋا­­لار­دىڭ باسىم كوپشىلىگى مال­ شارۋاشىلىعىمەن اي­نا­­­­لىسادى. بۇگىندە 630 شار­­ۋا­­شىلىقتىڭ 534-ءى تۇ­راقتى جۇمىس جۇرگىزۋدە. 9 وكرۋگتىڭ 7-ىندە شارۋالار ەگىستىكپەن تۇراقتى اينالىسىپ كەلەدى. بىلتىر بارلىعى 20 292 گەكتار جەر يگەرىلدى. بۇل 2018 جىلمەن سالىستىرعاندا 223 گەكتارعا ارتىق. «جامبىل وبلىسىنىڭ تۇرعىندارىنىڭ تۇرمىستىق تابىسىن جاقسارتۋ» جوباسى قولعا الىنعالى بەرى وبلىس تۇرعىندارىنا نەسيە رەتىندە قاراستىرىلعان 7،2 ملرد تەڭگەنىڭ 841،3 ملن تەڭگەسى ساۋداكەنت اۋىلىنا ءبولىنىپ وتىر. اۋىل كوركىن ءۇي جاعدايى اشاتىنى راس. ءار ءۇي ەشكىمگە الاقان جايماستان، ەشكىمگە كىرىپتار بولماستان ەڭبەكقورلىق پەن قا­ناعاتتىڭ ارقاسىندا الا­قانداي جەردەن بۇكىل اۋ­لەت­تى اسىرايتىن تابىسقا كە­نەلىپ جاتسا، قانەكي. سون­دىق­تان ساۋداكەنت اۋىلىن­دا جىلىجاي سالۋ، قۇس اسىراۋ، باقشا ءوسىرۋ جانە مال بور­دا­قىلاۋ الاڭدارىن ءالى دە كوبەيتۋ قاجەت. بۇل باعىت­تا «ساۋداكەنت-2019» كوو­پەراتيۆى اشىلىپ، جۇمى­سىن باستادى. ودان بولەك، «ساۋ­دا­كەنت كرەديتتىك سەرىك­تەس­تىگى» ارقىلى 5 شارۋا قو­جا­­لىعى نەسيە الىپ، 5 «بە­­لارۋس» تراكتورى مەن 12 قو­سالقى قۇرىلعىلارىن الدى.

تاعى ءبىر ايتارى، مال ونىم­­­­دەرى مەن ءتورت ت ۇلىك مال­­دى ساتۋدى جولعا قويار كەز كەلدى. جايىلىمدىق جەر­لەر­دىڭ ەلەكتروندى كارتاسىن قالىپتاستىرۋدا باي­قادام وكرۋگى 69،2 پايىزدى عانا قامتىعان. مال ايداۋ جولدارى بولەك راسىم­دەلىپ، اۋىل اكىمىنىڭ جەكە قارا­ۋىنا بەرىلەتىن بولادى. مال جايىلىمدىعىن رەتتەۋ باعىتىندا بايقادام، تۇگىسكەن، جايلاۋكول ورمان القاپتارىندا 532092 گەكتار مەملەكەتتىڭ ورمان قورى بار.

ال «ناتيجەلى جۇمىسپەن قامتۋدى جانە جاپپاي كاسىپ­كەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدار­لا­ماسى شەڭبەرىندە اۋىل شارۋاشىلىعىن قارجىلاي قول­داۋ قورى ارقىلى 79 جوبا، «ساۋداكەنت كرەديتتىك سەرىكتەستىگى» ارقىلى 18 جوبا جانە ەكىنشى دەڭگەيلى بانك فيليالدارى ارقىلى 10 جوبا ماقۇلدانىپ، جەڭىلدەتىلگەن كرەديتتەر الدى. سارىسۋ اۋدانى بو­يىنشا «اۋىل – ەل بەسىگى» جوباسى اياسىندا ساۋدا­كەنت پەن جايىلما ەلدى مەكەن­دەرى ەنىپ وتىر. ەندى اۋىل ىشىندەگى 18 كوشەنىڭ جول جابىندىلارىن ورتا جون­دەۋ­دەن وتكىزۋ، اباتتاندىرۋ، كوگالداندىرۋ، ساياباقتاردى جوندەۋ، كوشەلەر جارىعىنا جىل ىشىندە قوندىرعىلار ورناتۋ مەن ەلەكتر قۋاتى تو­لەم­دەرىن جاساۋ قۇجاتتارىن دا­يىنداۋ سەكىلدى جۇمىستار اتقا­رىلادى.

 

داريحا ۇمبەتياروۆا

 

جامبىل وبلىسى،

سارىسۋ اۋدانى

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار