تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋى قاعيدالارىن بەكىتۋ تۋرالى
«تەرروريزمگە قارسى ءىس-قيمىل تۋرالى» 1999 جىلعى 13 شىلدەدەگى قازاقستان رەسپۋبليكاسى زاڭىنىڭ 4-بابى 2-تارماعىنىڭ 2) تارماقشاسىنا سايكەس حالىقتى تەرروريزم اكتىسىنىڭ قاتەرىنىڭ تۋىنداۋى تۋرالى ۋاقتىلى حاباردار ەتۋ جانە ونىڭ جاسالۋىنا قارسى ءىس-قيمىل جونىندەگى قىزمەتتى ۇيىمداستىرۋ ماقساتىندا قاۋلى ەتەمىن:
1. قوسا بەرىلىپ وتىرعان تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋى قاعيدالارى بەكىتىلسىن.
2. قازاقستان رەسپۋبليكاسىنىڭ مەملەكەتتىك ورگاندارى مەن جەرگىلىكتى اتقارۋشى ورگاندارى ءوز اكتىلەرىن وسى جارلىققا سايكەس كەلتىرسىن.
3. وسى جارلىق العاشقى رەسمي جاريالانعانىنان كەيىن قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2013 جىلعى 9 تامىز. № 611.
قازاقستان رەسپۋبليكاسى پرەزيدەنتىنىڭ 2013 جىلعى 9 تامىزداعى № 611 جارلىعىمەن بەكىتىلگەن
تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋ قاعيدالارى
1. جالپى ەرەجەلەر
1. وسى قاعيدالار تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋىنىڭ ءتارتىبىن بەلگىلەيدى.
2. تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسى – بۇل جەكە ادامنىڭ, قوعامنىڭ جانە مەملەكەتتىڭ قاۋىپسىزدىگىن قامتاماسىز ەتۋ جونىندەگى شارالاردى ۇيىمداستىرۋ مەن اتقارۋ ماقساتىندا قىزمەتى تەرروريزم اكتىسىنىڭ (اكتىلەرىنىڭ) قاتەرى سالدارىنان نەمەسە جاسالۋىنان تۋىندايتىن داعدارىستى احۋالدار مونيتورينگىن جانە ولارعا بولجام جاساۋدى جۇزەگە اسىرۋعا, قازاقستان رەسپۋبليكاسىنىڭ اۋماعىندا تەرروريستىك قاۋىپتىلىكتىڭ دەڭگەيىن بەلگىلەۋگە, تەرروريزم اكتىسىنىڭ (اكتىلەرىنىڭ) قاتەرى نەمەسە جاسالۋى كەزىندە مەملەكەتتىك ورگاندارعا, مەنشىك نىسانىنا قاراماستان ۇيىمدارعا جانە حالىققا اقپاراتتى جانە حاباردار ەتۋ سيگنالدارىن ۋاقتىلى جەتكىزۋدى قامتاماسىز ەتۋگە باعىتتالعان باسقارۋ ورگاندارىنىڭ, ورتالىق مەملەكەتتىك جانە جەرگىلىكتى اتقارۋشى ورگاندار كۇشتەرى مەن قۇرالدارىنىڭ جيىنتىعى.
3. وسى قاعيدالاردا مىناداي ۇعىمدار پايدالانىلادى:
1) تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگى – رەسپۋبليكانىڭ ءتۇرلى وڭىرلەرىندە, سونداي-اق قازاقستان رەسپۋبليكاسىنىڭ مەملەكەتتىك شەكاراسىنىڭ جەكەلەگەن ۋچاسكەلەرىندە تەرروريزم اكتىسىنىڭ (اكتىلەرىنىڭ) جاسالۋ سالدارىنان نەمەسە جاسالۋ قاۋپى سالدارىنان تۋىندايتىن داعدارىستى احۋالدار بەلگىلەرىن انىقتاۋ ماقساتىندا ورتالىق مەملەكەتتىك جانە جەرگىلىكتى اتقارۋشى ورگانداردان, بۇقارالىق اقپارات قۇرالدارى مەن اشىق جانە جابىق سيپاتتاعى باسقا دا دەرەككوزدەردەن ۋاكىلەتتى مەملەكەتتىك ورگانداردىڭ احۋالدىق ورتالىقتارىنا, باسقارۋ پۋنكتتەرىنە, كەزەكشى جانە ديسپەتچەرلىك قىزمەتتەرىنە تۇراقتى نەگىزدە كەلىپ تۇسەتىن, ەلدە جانە شەتەلدە بولىپ جاتقان وقيعالارعا قاتىستى اقپاراتتى جۇيەلى تۇردە جيناۋ جانە وڭدەۋ;
2) دايىندالىپ جاتقان نەمەسە جاسالعان تەرروريزم اكتىسى (اكتىلەرى) تۋرالى انىق اقپارات (ناقتى دەرەكتەر) – دايىندالىپ جاتقان نەمەسە جاسالعان تەرروريزم اكتىسى (اكتىلەرى) تۋرالى وبەكتيۆتى شىندىققا (فاكتىلەرگە) سايكەس كەلەتىن دەرەكتەر.
2. تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ قۇرامى
4. تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ قۇرامىنا:
قازاقستان رەسپۋبليكاسى باس پروكۋراتۋراسى;
قازاقستان رەسپۋبليكاسى ۇلتتىق قاۋىپسىزدىك كوميتەتى;
قازاقستان رەسپۋبليكاسى پرەزيدەنتىنىڭ كۇزەت قىزمەتى;
قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى);
قازاقستان رەسپۋبليكاسى سىرتقى ىستەر مينيسترلىگى;
قازاقستان رەسپۋبليكاسى قورعانىس مينيسترلىگى;
قازاقستان رەسپۋبليكاسى ىشكى ىستەر مينيسترلىگى;
قازاقستان رەسپۋبليكاسى اۋىل شارۋاشىلىعى مينيسترلىگى;
قازاقستان رەسپۋبليكاسى كولىك جانە كوممۋنيكاتسيا مينيسترلىگى;
قازاقستان رەسپۋبليكاسى قورشاعان ورتانى قورعاۋ مينيسترلىگى;
قازاقستان رەسپۋبليك اسى مادەنيەت جانە اقپارات مينيسترلىگى;
قازاقستان رەسپۋبليكاسى توتەنشە جاعدايلار مينيسترلىگى;
قازاقستان رەسپۋبليكاسىنىڭ «سىربار» سىرتقى بارلاۋ قىزمەتى;
جەرگىلىكتى اتقارۋشى ورگاندار;
قازاقستان رەسپۋبليكاسى ءدىن ىستەرى اگەنتتىگى;
قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ اتوم ەنەرگياسى كوميتەتى;
قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى;
قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى;
قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتى كىرەدى.
3. مەملەكەتتىك ورگانداردىڭ لاۋازىمدى ادامدارىنا تەرروريزم اكتىسىنىڭ (اكتىلەرىنىڭ) قاتەرى تۋىنداۋى نەمەسە جاسالۋى تۋرالى اقپاراتتى جەتكىزۋ ءتارتىبى
5. تەرروريزم اكتىسى قاتەرىنىڭ تۋىنداۋى تۋرالى اقپاراتتى قاعيدالاردىڭ 4-تارماعىندا كورسەتىلگەن مەملەكەتتىك ورگانداردىڭ احۋالدىق ورتالىقتارى, باسقارۋ پۋنكتتەرى, كەزەكشى جانە ديسپەتچەرلىك قىزمەتتەرى ءوز قۇزىرەتىنە سايكەس تۇراقتى تۇردە قابىلدايدى, وڭدەيدى جانە بايلانىس ارنالارى ارقىلى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ احۋالدىق ورتالىقتارىنا دەرەۋ جىبەرەدى.
قازاقستان رەسپۋبليكاسى پرەزيدەنتىنىڭ كۇزەت قىزمەتى كۇزەتەتىن ادامدارعا نەمەسە وبەكتىلەرگە قاتىستى تەرروريزم اكتىسى جاسالۋ قاتەرىنىڭ تۋىنداۋى تۋرالى وسى قاعيدالاردىڭ 4-تارماعىندا كورسەتىلگەن مەملەكەتتىك ورگاندار العان اقپارات تا قازاقستان رەسپۋبليكاسى پرەزيدەنتى كۇزەت قىزمەتىنىڭ كەزەكشى قىزمەتىنە دەرەۋ جىبەرىلەدى.
قازاقستان رەسپۋبليكاسىنىڭ وڭىرلەرىندە تەرروريزم اكتىسىنىڭ (اكتىلەرىنىڭ) جاسالۋى نەمەسە جاسالۋ قاۋپى سالدارىنان داعدارىستى احۋالدار تۋىنداعان كەزدە جاعداي تۋرالى اقپاراتتى وبلىس, رەسپۋبليكالىق ماڭىزى بار قالا, استانا, اۋدان (وبلىستىق ماڭىزى بار قالا) اكىمدەرىنىڭ اپپاراتتارى جانە ورتالىق مەملەكەتتىك ورگانداردىڭ اۋماقتىق بولىمشەلەرى ءوز قۇزىرەتىنە سايكەس قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگاندارىنا جىبەرەدى.
6. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ احۋالدىق ورتالىقتارى تەرروريستىك قاۋىپتىلىك دەڭگەيىن انىقتاۋ ماقساتىندا تەرروريزم اكتىسى قاتەرىنىڭ تۋىنداۋى تۋرالى كەلىپ تۇسكەن اقپاراتقا مونيتورينگتى, ۇلتتىق مۇددەلەردى قوزعاۋى مۇمكىن حالىقارالىق داعدارىستار مەن شيەلەنىستەردى بولجامداۋدى تۇراقتى نەگىزدە جۇزەگە اسىرادى, تەرروريستىك قاتەردىڭ ورىستەۋى (تارالۋى, رەسپۋبليكانىڭ, باسقا مەملەكەتتەردىڭ داعدارىستى وڭىرلەرى, اقپاراتتىق سالاداعى وسال تۇستاردى تابۋ) تۋرالى تۇراقتى باعالاۋلار جۇرگىزەدى.
7. دايىندالىپ جاتقان نەمەسە جاسالعان تەرروريزم اكتىسى (اكتىلەرى) تۋرالى انىق اقپاراتتىڭ نەگىزىندە قوعامدىق قاۋىپتىلىكتىڭ اۋقىمىن جانە دارەجەسىن, تەرروريزم اكتىسىنىڭ مەملەكەت اۋماعىنا نەمەسە ونىڭ جەكەلەگەن وڭىرلەرىنە تيگىزەتىن كۇتىلەتىن تەرىس سالدارلارى مەن سيپاتىن ەسكەرە وتىرىپ, قازاقستان رەسپۋبليكاسى ۇلتتىق قاۋىپسىزدىك كوميتەتى احۋالدىق ورتالىقتارىنىڭ باسشىلارى تەرروريستىك قاۋىپتىلىك دەڭگەيى تۋرالى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسىن دەرەۋ حاباردار ەتەدى.
4. قازاقستان رەسپۋبليكاسىنىڭ اۋماعىنداعى تەرروريستىك قاۋىپتىلىك دەڭگەيىن انىقتاۋ جانە تەرروريزم اكتىسى قاتەرىنىڭ تۋىنداۋى تۋرالى حالىقتى حاباردار ەتۋ ءتارتىبى
8. قازاقستان رەسپۋبليكاسىنىڭ بارلىق اۋماقتارىندا نەمەسە وڭىرلەرى مەن ەلدى مەكەندەرىنىڭ اۋماقتارىندا تەرروريستىك قاۋىپتىلىكتىڭ مىناداي دەڭگەيلەرى:
بىرقالىپتى («سارى») – تەرروريزم اكتىسى (اكتىلەرى) جاسالۋىنىڭ ناقتى مۇمكىندىگى تۋرالى راستاۋدى تالاپ ەتەتىن اقپارات بولعان كەزدە;
جوعارى («قىزعىلت سارى») – تەرروريزم اكتىسى (اكتىلەرى) جاسالۋىنىڭ ناقتى مۇمكىندىگى تۋرالى راستالعان اقپارات بولعان كەزدە;
شەكتى («قىزىل») – جاسالعان تەرروريزم اكتىسى تۋرالى اقپارات, سونداي-اق تەرروريزم اكتىسىن (اكتىلەرىن) قايتالاپ جاساۋ نەمەسە تەرروريستىك تۇرعىدان وسال وبەكتىلەرگە ءبىر مەزگىلدە تەرروريستىك شابۋىلدار جاساۋ مۇمكىندىگى تۋرالى راستالعان اقپارات بولعان كەزدە بەلگىلەنۋى مۇمكىن.
9. ەگەر قابىلدانعان شارالاردىڭ ناتيجەسىندە تەرروريستىك قاۋىپتىلىكتىڭ قاتەرى جويىلسا, وندا تەرروريستىك قاۋىپتىلىك دەڭگەيى الىپ تاستاۋعا جاتادى.
10. قازاقستان رەسپۋبليكاسىنىڭ جەكەلەگەن وڭىرلەرىنىڭ جانە ەلدى مەكەندەرىنىڭ اۋماعىندا تەرروريستىك قاۋىپتىلىكتىڭ بىرقالىپتى («سارى») جانە جوعارى («قىزعىلت سارى») دەڭگەيلەرىن بەلگىلەۋ, وزگەرتۋ نەمەسە الىپ تاستاۋ تۋرالى شەشىمدى قازاقستان رەسپۋبليكاسى ۇلتتىق قاۋىپسىزدىك كوميتەتى اۋماقتىق ورگانىنىڭ باستىعى وبلىس, رەسپۋبليكالىق ماڭىزى بار قالا, استانا اكىمىمەن كەلىسە وتىرىپ دەرەۋ قابىلدايدى, قابىلدانعان شەشىم تۋرالى قازاقستان رەسپۋبليكاسى ۇلتتى
