تەننيس • 21 اقپان، 2020

ەكى تەننيسشىمىز دە شيرەك فينالعا شىقتى

5 رەتكورسەتىلدى

تەننيستەن قازاقستاننىڭ ەرلەر جانە قىزدار اراسىندا ءبىرىنشى راكەتكاسى الەكساندر بۋبليك پەن ەلەنا رىباكينا وزدەرى قاتىسىپ جاتقان حالىقارالىق ءتۋرنيردىڭ شيرەك فينالىنا جولداما الدى.

فرانتسيانىڭ مارسەل قالاسىندا ءوتىپ جاتقان Open 13 Provence تۋرنيرىندە 22 جاستاعى بۋبليك ATP رەيتينگىندە 20-ورىندا تۇرعان جەرگىلىكتى سپورتشى بەنۋا پەرامەن كۇش سىناسىپ، ءۇش سەتكە سوزىلعان باسەكەدە 3:6، 6:4، 6:4 ەسەبىمەن جەڭىسكە جەتتى. ەندى وتانداسىمىز جارتىلاي فينالدا ونەر كورسەتۋ ءۇشىن مارين چيليچ (حورۆاتيا) پەن دەنيس شاپوۆالوۆ (كانادا) جۇبىنىڭ جەڭىمپازىمەن سىنعا تۇسەدى.

ال دۋبايدا ءوتىپ جاتقان WTA Premier ءتۋرنيرىنىڭ ىرىكتەۋ كەزەڭىندە ەلەنا رىباكينا چەحيالىق كاتارينا سينياكوۆامەن شەبەرلىك سىناستى. ءبىر ساعاتقا سوزىلعان كەزدەسۋدە رىباكينا قارسىلاسىن ەكى سەتتە 6:3، 6:3 ناتيجەسىمەن قاپى قالدىردى. وتانداسىمىز شيرەك فينالدا تاعى ءبىر چەحيالىق سپورتشى كارولينا پليشكوۆامەن جارتىلاي فينالدىڭ جولداماسىن ساراپقا سالادى.

 

سوڭعى جاڭالىقتار

ۇقساس جاڭالىقتار