ايماقتار • 20 اقپان، 2020

قوستاناي: قوقىس ۇيىندىلەرى ءۇشىن اۋىل اكىمدەرى جاۋاپقا تارتىلدى

19 رەتكورسەتىلدى

قوستاناي وبلىسىنىڭ ەكولوگتارى عارىشتىق باقىلاۋ ارقىلى ەلدى مەكەندەردىڭ ماڭىنداعى رۇقسات ەتىلمەگەن جەرلەرگە توگىلگەن 313 قوقىس ءۇيىندىسىن  انىقتاپ وتىر. بۇل تۋرالى وڭىرلىك كوممۋنيكاتسيالار قىزمەتى الاڭىندا باق وكىلدەرىمەن كەزدەسكەن وبلىستىق ەكولوگيا دەپارتامەنتى باسشىسىنىڭ مىندەتىن اتقارۋشى تالعات سابيەۆ مالىمدەدى.

ونىڭ ايتۋىنشا، وتكەن جىلى 155 ەلدى مەكەننىڭ ماڭى  بەيبەرەكەت تاستالعان قوقىستان تازارتىلعان. سونداي-اق، قوقىس ۇيىندىلەرىنىڭ پايدا بولۋىنا جول بەرگەن قوستاناي جانە رۋدنىي قالاسى اكىمدىگىنىڭ تۇرعىن ءۇي-كوممۋنالدىق شارۋاشىلىق بولىمدەرى مەن 26 اۋىلدىق وكرۋگتىڭ اكىمدەرى اكىمشىلىك جاۋاپكەرشىلىككە تارتىلعان.

وبلىستىڭ باس ەكولوگى كەيبىر اۋدانداردا اۋىل شارۋاشىلىعىنا پايدالانىلاتىن ۋلى حيميكاتتاردىڭ قاراۋسىز جاتقانىنا الاڭدايتىنىن جەتكىزدى. تاياۋدا دەنيسوۆ اۋدانىندا اشىق جاتقان ۋلى حيميكات يەسىز دەپ تانىلىپ، مەملەكەت مەنشىگىنە وتكىزىلگەن. ال  ناۋىرزىم، التىنسارين اۋداندارىندا تابىلعان زياندى حيميكاتتار جەرگىلىكتى اكىمدىكتىڭ كۇشىمەن جويىلعان .

ءوڭىر ەكولوگياسىنا قاتىستى  ءالى دە شەشىمىن تاپپاعان ماسەلەلەر بار. بىرىنشىدەن، وبلىس ورتالىعىندا بيولوگيالىق تازارتۋ ستانساسى جوق. ەكىنشىدەن، وبلىستىق ماڭىزى بار قالالاردا سۋ قۇبىرىن تازارتاتىن قۇرىلعىلار دۇرىس جۇمىس ىستەمەيدى. ولاردى جوندەۋ، جاڭارتۋ جۇمىستارىنا بىلتىر رەسپۋبليكا بيۋدجەتىنەن 113،8 ملن تەڭگە، جەرگىلىكتى بيۋدجەتتەن 17 ملن تەڭگە ءبولىندى. 2023 جىلعا دەيىن وبلىس شاھارلارىنداعى سۋ قۇبىرلارى تولىعىمەن جاڭارتىلادى. ودان كەيىنگى تاعى ءبىر ماسەلە، قوستانايداعى بۇرىنعى مىس-اممياك زاۋىتىنان شىعاتىن وندىرىستىك قالدىق جينالاتىن ورىن توبىل وزەنىنە جاقىن ورنالاسقان. قازىر ونىڭ قورشاعان ورتاعا قانشالىقتى زياندى ەكەنى انىقتالىپ جاتىر، - دەدى تالعات سابيەۆ.

 

نۇرقانات قۇلاباەۆ،

قوستاناي وبلىسى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار