بالاسىنىڭ كوزىنشە شەشەسىن ولتىرگەن
35 جاستاعى قىزىلوردا وبلىسىنىڭ تۇرعىنى اسا قاتىگەزدىكپەن ادام ولتىرگەنى ءۇشىن 16 جىلعا تەمىر تورعا توعىتىلدى.
قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قر قك-ءنىڭ 96-بابىنىڭ 2-بولىگىنىڭ «د» تارماعىمەن كىنالى دەپ تانىلعان اسا قاتىگەزدىكپەن ادام ولتىرگەن بۇل ازاماتقا قاتىستى سوت ۇكىمىن جاريا ەتتى.
بالاسىنىڭ كوزىنشە شەشەسىن ولتىرگەن
35 جاستاعى قىزىلوردا وبلىسىنىڭ تۇرعىنى اسا قاتىگەزدىكپەن ادام ولتىرگەنى ءۇشىن 16 جىلعا تەمىر تورعا توعىتىلدى.
قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قر قك-ءنىڭ 96-بابىنىڭ 2-بولىگىنىڭ «د» تارماعىمەن كىنالى دەپ تانىلعان اسا قاتىگەزدىكپەن ادام ولتىرگەن بۇل ازاماتقا قاتىستى سوت ۇكىمىن جاريا ەتتى.
سوتتالۋشى ب. ءوزىنىڭ كورشىسى ازاماتشا س.-نىڭ ۇيىنە كەلىپ, قارىزعا 1500 تەڭگە اقشا سۇراعان. سول جەردە جابىرلەنۋشى س. سوتتالۋشى ب.-عا 500 تەڭگە بەرەدى. ول 500 تەڭگەنى ازسىنىپ, قاناعاتتانباي, دورەكىلىك تانىتىپ, س.-عا ار-نامىسىنا تيەتىن سوزدەر ايتقان كەزدە, ەكەۋىنىڭ اراسىندا جانجال تۋعان.
سوتتالۋشى جانجالدى سەبەپ ەتىپ, س.-نىڭ قاسىندا كامەلەتتىك جاسقا تولماعان بالاسى بار ەكەنىن بىلە تۇرا, ونىڭ وڭ جاق بەتىنەن ءبىر رەت ۇرىپ, جەڭىل دارەجەلى دەنە جاراقاتىن سالعان. سوققى العان س. سوتتالۋشى ب.-نى توقتاتۋعا كۇشى كەلمەيتىنىن ءبىلىپ, ودان قاشا بەرگەن كەزدە, ول ارتىنان قۋىپ جەتىپ, اسحاناداعى ۇستەل ۇستىندە جاتقان پىشاقتى ءجاسوسپىرىم بالانىڭ كوزىنشە, جابىرلەنۋشىگە اياۋسىز سۇعادى. وسىلايشا, سوتتالۋشى قاساقانا كىسى ولتىرۋگە باعىتتالعان ارەكەتىمەن جابىرلەنۋشىنىڭ كامەلەتكە تولماعان بالاسىن جان كۇيزەلىسىنە تۇسىرگەن.
وسى ساتتە, اناسىنىڭ قانسىراپ, قينالىپ جاتقانىن كورگەن كامەلەتكە تولماعان ۇلى قولىنا اعاش وقتاۋ الىپ, اناسىن اراشالاماقشى بولىپ, سوتتالۋشى ب.-نىڭ باسىنىڭ شۇيدە تۇسىنان ەكى-ءۇش رەت ۇرىپ, ونىڭ قىلمىستىق ارەكەتىنە توسقاۋىل قويۋعا تىرىسقان. الايدا, سوتتالۋشى ب. ءجاسوسپىرىم بالانىڭ اناسىنا اراشا ءتۇسۋ ماقساتىنداعى ءىس-ارەكەتتەرىنە ءمان بەرمەي, جان كۇيزەلىسىندە جۇرگەنىن بىلە تۇرا, العان جاراقاتتارىنان السىرەپ جاتىن بولمەگە قاشىپ بارا جاتقان جابىرلەنۋشى س.-نىڭ ارتىنان قۋىپ جەتىپ, ۇرىپ-سوعىپ, بىرنەشە رەت ءۇستى-ۇستىنە پىشاق سالىپ, وقيعا بولعان جەردەن بوي تاسالاعان.
جابىرلەنۋشى س. ءتان زاردابىن شەگىپ, كامەلەتكە تولماعان بالاسىنىڭ كوز الدىندا ەس جيماستان قايتىس بولعان, دەپ حابارلايدى قىزىلوردا وبلىستىق سوتىنىڭ ءباسپاسوز قىزمەتى.
اناسى التى جاسار ۇلىن اعىزىپ جىبەرمەك بولعان
«ەستىمەگەن ەلدە كوپ». بۇگىندە بۇعان دەيىن ەستىمەك تۇرماق, ءتۇسىمىزگە دە كىرمەگەن تالاي سۇمدىق وقيعالاردان كۇندە دەرلىك حاباردار بولىپ تۇراتىن بولدىق. سولاردىڭ ءبىرى وتكەن سەنبى كۇنى ءتۇس كەزىندە وسكەمەندە ورىن العان. وسى قالادا تۇراتىن 50 جاستاعى ايەل ءوزىنىڭ 6 جاسار ۇلىن سۋعا باتىرىپ, اعىزىپ جىبەرۋگە ارەكەت جاساعان.
بۇل وقيعانىڭ الدىن الىپ, دەر كەزىندە ءتيىستى ورىندارعا حابارلاپ ۇلگەرگەن 15 جاسار ءجاسوسپىرىم بولىپ شىقتى. وسى كەزدە سول ماڭايدا ءبىر توپ بالا سۋعا ءتۇسىپ جاتىپتى. سولارمەن بىرگە جۇرگەن جاڭاعى ەستيار جەتكىنشەك ءبىر ايەلدىڭ كىشكەنتاي ءبۇلدىرشىندى ىشكى كيىمىنە دەيىن شەشىندىرىپ, سوسىن قولىنان جەتەكتەپ, ارىراق اپارىپ, سۋعا باتىرا باستاعانىن بايقاپ قالادى. مۇنى كورگەن ءجاسوسپىرىم كوپ ويلانباستان, سولارعا قاراي تەز ءجۇزىپ جەتەدى. ول بارعان بويدا جىلاپ تۇرعان بالانى ايەلدىڭ قولىنان تارتىپ الىپ, دەرەۋ «جەدەل جاردەمگە», توتەنشە جاعدايلار دەپارتامەنتىنە جانە پوليتسياعا دابىل تۇسىرەدى.
قازىر ايەل وبلىستىق پسيحونەۆرولوگيالىق ديسپانسەردە تەكسەرىلىپ جاتقان كورىنەدى. ونىڭ اقىل-ەسى دۇرىس نەمەسە دۇرىس ەمەس ەكەنىن سول تەكسەرۋ انىقتايدى. ءازىرگە ول سودان كەيىن ءوزى دە ءومىرمەن قوشتاسپاق بولعان دەگەن عانا بولجام بار.
قۇرىش نۇرىمبەت.
