سۇحبات بارىسىندا قازاقستاندىق ديپلومات پرەزيدەنت قاسىم-جومارت توقاەۆ ايقىنداعان نەگىزگى ماقساتتار مەن مىندەتتەرگە, سونىڭ ىشىندە «حالىق ۇنىنە قۇلاق اساتىن مەملەكەت» تۇجىرىمداماسىنا نازار اۋدارا وتىرىپ, قوعامدىق-ساياسي ءومىردى مودەرنيزاتسيالاۋ جانە قازاقستان رەسپۋبليكاسىنداعى ەكونوميكالىق رەفورمالاردىڭ جۇزەگە اسىرىلۋى تۋرالى حابارلادى.
ءوز كەزەگىندە, م.اندرادە قازاقستان مەن پورتۋگاليانىڭ سوت جۇيەلەرى اراسىنداعى ىنتىماقتاستىقتىڭ بولاشاعى مەن ماڭىزدىلىعىن اتاپ ءوتىپ, رەسمي نۇر-سۇلتاننىڭ مەملەكەتتىڭ تۇراقتى دامۋىنا باعىتتالعان ساياساتىن جوعارى باعالادى جانە ەكى ەل اراسىنداعى ىنتىماقتاستىقتى ودان ءارى نىعايۋ سەنىم ءبىلدىردى.
كەزدەسۋ بارىسىندا قازاقستان رەسپۋبليكاسىنىڭ كونستيتۋتسياسىنىڭ 25 جىلدىعىن مەرەكەلەۋگە ەرەكشە نازار اۋدارىلدى. وسىعان بايلانىستى, د.باتىراشەۆ پورتۋگال وكىلىنە 2020 جىلعى 27-28 تامىزدا قازاقستان استاناسىندا وتەتىن ء«ححى عاسىردىڭ كونستيتۋتسياسى – قۇقىقتىڭ ۇستەمدىگى, ادام قۇندىلىعى جانە مەملەكەتتىڭ تيىمدىلىگى» اتتى حالىقارالىق كونفەرەنتسياسىنا قاتىسۋىنا شاقىرۋدى تابىس ەتتى.
پورتۋگاليانىڭ كونستيتۋتسيالىق سوتىنىڭ توراعاسى شاقىرۋدى ريزاشىلىقپەن قابىلدادى جانە قازاقستان ءۇشىن ماڭىزدى وقيعاعا پورتۋگاليا ءتيىستى دەڭگەيدە قاتىسۋى ءۇشىن بار كۇش-جىگەرىن سالاتىنىنا سەندىردى.
سونىمەن قاتار ەكى ەل اراسىنداعى قالىپتاسقان قاتىناستاردىڭ دوستىق جانە سىندارلى سيپاتىن اتاپ ءوتىپ, م.اندرادە نۇر-سۇلتان مەن ليسسابون اراسىنداعى سەرىكتەستىكتى ودان ءارى نىعايتاتىن قازاقستان رەسپۋبليكاسىنىڭ پورتۋگالياداعى ەلشىلىگىنىڭ اشىلۋىن قۇپتادى.
