ايماقتار • 18 اقپان، 2020

وفيتسەرلەرگە ارنالعان ارنايى كۋرس جالعاسۋدا

13 رەتكورسەتىلدى

الماتى قالاسىنداعى راديولەكترونيكا جانە بايلانىس اسكەري-ينجەنەرلىك ينستيتۋتىندا قك وفيتسەرلەرىنىڭ كاسىبي دەڭگەيى مەن بىلىكتىلىگىن ارتتىرۋدىڭ جوسپارلى كۋرستارى ءجۇرىپ جاتىر.

قورعانىس مينيسترلىگىنىڭ جاۋىنگەرلىك جوسپارىنا سايكەس اقپان ايىنان باستاپ ناۋرىز ايىنا دەيىن زەنيتتىك-زىمىران (تەحنيكالىق) ديۆيزيوندارى، اۋە شابۋىلىنا قارسى قورعانىس اسكەرلەرى، راديوتەحنيكالىق باتالون كومانديرلەرى، قۇرلىق اسكەرلەرىنىڭ بايلانىس باتالون كومانديرلەرى كۋرستىق دايارلىقتان وتەدى.   

«وسى جىلى ماعان كۋرسقا قاتىسۋ مۇمكىندىگى بۇيىرعانىنا وتە قۋانىشتىمىن. جالپى ساباق تەوريالىق جانە پراكتيكالىق تۇرعىدا  قىزىقتى قۇراستىرىلعان. كۇندەلىكتى اسكەري قىزمەتتى جۇرگىزۋگە قاتىستى كوپتەگەن پايدالى تۇستارى بولدى»، - دەيدى شىمكەنت گارنيزونىنىڭ اسكەري قىزمەتشىسى مايور باقتيار باۋبەكوۆ.    

وقۋ باعدارلاماسىندا تاكتيكالىق-ماماندىق، تەحنيكالىق دايارلىق، اسكەرلەردى باسقارۋدىڭ اۆتوماتتاندىرىلعان جۇيەسى جانە اسكەري توپوگرافيا سياقتى پاندەر قاراستىرىلعان. وقۋدى جوو-نىڭ پروفەسسور-وقىتۋشىلار قۇرامى جۇرگىزەدى. اۋە شابۋىلىنا قارسى قورعانىس اسكەرلەرىنىڭ وفيتسەرلەرى ءۇشىن 248 وقۋ ساعاتى، قۇرلىق اسكەرلەرى ءۇشىن 229 وقۋ ساعاتى ءبولىندى. باعدارلاما تەوريالىق جانە پراكتيكالىق ساباقتاردان قۇرالعان. كۋرستىق دايىندىق قورىتىندىسى بويىنشا وفيتسەرلەر العان بىلىمدەرىن كورسەتىپ، ودان كەيىن كۋرستى ءساتتى اياقتاعانى تۋرالى سەرتيفيكاتتار الادى.

كوماندالىق بۋىننىڭ بىلىكتىلىگىن ارتتىرۋ كۋرستارى راديوەلەكترونيكا جانە بايلانىس اسكەري-ينجەنەرلىك ينستيتۋتىندا 2016 جىلدان باستاپ وتكىزىلەدى. وسى ۋاقىت ىشىندە 200-دەن استام وفيتسەر تاعىلىمدامادان وتكەن. كۋرستىق دايارلىقتى وتكىزۋدىڭ نەگىزگى ماقساتى كوماندالىق داعدىلاردى جەتىلدىرۋ، سەنىپ تاپسىرىلعان بولىمشەلەردى باسقارۋ جانە ولاردىڭ جاۋىنگەرلىك ماقساتىن ءتيىمدى پايدالانۋ ماسەلەلەرىندە كوماندالىق قۇرام وفيتسەرلەرىنىڭ جاۋىنگەرلىك جانە تاكتيكالىق دايارلىق دەڭگەيىن ارتتىرۋ بولىپ تابىلادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار