قاڭتاردىڭ ورتاسىنان ديقانشىلىقتى باستاعان شارۋالار 230 گەكتار جەرگە قىرىققابات, 8 گەكتار جەرگە قىزىلشا ەككەن. سونداي-اق بۇل كورسەتكىش ەرتە كوكتەمگە دەيىن ارتا بەرەتىن بولادى. ەرتە پىسەتىن قىرىققاباتتى جيناپ العان سوڭ ديقاندار اۋىن-قاربىز, ماقتا سياقتى داقىلدار ەگۋگە كىرىسەدى.
وسىلايشا جەر ەمگەن شارۋالار جىلىنا ەكى رەت, ءتىپتى ءۇش رەت ءونىم الادى. بىلتىر ءساۋىر ايىندا العاشقى ءونىمىن العان ديقاندار رەسپۋبليكانىڭ بىرنەشە وبلىسىن جانە رەسەي فەدەراتسياسىن قىرىققاباتپەن, قاۋىن-قاربىزبەن جانە باسقا دا كوگونىس ونىمدەرىمەن قامتاماسىز ەتكەن بولاتىن.
ديقاندار نەگىزىنەن سالماعى 1-1,5 كەلىدەن اسپايتىن قىرىققاباتتىڭ پانديون, ريندا, فاراو سۇرىپتارىن وتىرعىزۋدا. ەرتە پىسەتىن ءونىم تۇرىنە ەۋروپالىقتار مەن رەسەيلىكتەر تاراپىنان سۇرانىس كوپ.
ايتا كەتەيىك, اۋداندا وتكەن جىلى جاڭا تەحنولوگيالاردى ەنگىزۋدىڭ ارقاسىندا اۋىل شارۋاشىلىعى ءونىمىنىڭ كولەمى 43,2 ميلليارد تەڭگەگە جەتكەن.
