رۋحانيات • 17 اقپان، 2020

الماتىدا نازىكجاندى سۋرەتشىلەردىڭ حالىقارالىق كورمەسى وتەدى

79 رەتكورسەتىلدى

2020 جىلدىڭ 20 اقپان كۇنى ساعات 16.00-دە ءا. قاستەەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۋزەيىندە «تاڭ-شولپان» حالىقارالىق تاۋەلسىز ايەل سۋرەتشىلەرى قورى كورمەسىنىڭ اشىلۋ سالتاناتى وتەدى.

«تاڭ شولپان» قورىنىڭ اتاۋى كەزدەيسوق تاڭدالعان جوق، ويتكەنى بۇل – قايتا تۋىلۋ، تاڭعى جۇلدىز جانە ايەلدىڭ شىعارماشىلىق قۋاتىمەن بايلانىستى. قوردا قازاقستان، وزبەكستان، تۇركىمەنستان، تاجىكستان، قىرعىزستان، اۆستراليا، گەرمانيا، كانادا، اقش ەلىنەن كاسىبي سۋرەتشىلەر بىرىككەن. قورداعى سۋرەتشىلەردىڭ ەسىمدەرى رەسپۋبليكالىق جانە حالىقارالىق كورمەلەردەن بەلگىلى، ولاردىڭ بارلىعىن وزىندىك كوركەم تىلدەرى، بەينەلەۋدەگى ەرەكشە فورماسى پەن كومپوزيتسيالىق ىزدەنىستەرى بىرىكتىرەدى.

بۇل وداقتىڭ سۋرەتشىلەرى الەمدەگى وركەندەۋدى، مادەني-رۋحاني جاڭعىرۋدى جانە قارىم-قاتىناستى ناسيحاتتايدى، ىزدەنىس ويىن تۇجىرىمداي وتىرىپ، ءار ءتۇرلى جانرلاردى قامتيدى.

كورمەگە ءار ءتۇرلى ەلدەردىڭ 40-قا جۋىق كاسىبي سۋرەتشىلەرى قاتىسىپ وتىر. ەكسپوزيتسيادا كەسكىندەمەلىك، گرافيكالىق، مۇسىندىك، قولدانبالى ونەرى تۋىندىلارى (گوبەلەن، كيىز پاننولار، شىم شي) قويىلادى.

سونىمەن قاتار ايەلدەر كوركەمونەر قورىنىڭ وكىلدەرىنىڭ باستى ماقساتى – كورمەدە ءاربىر سۋرەتشى كوركەمونەر مانەرلەرىن، يننوۆاتسيالىق ادىستەرىن قابىلداۋ ارەكەتىن جانە زامانعا ساي ۇلتتىق ۇلىلىقتى، كرەاتيۆتى وي-تۇجىرىمدى، وزگەشە پوتەنتسيالدارىن تۇسىنىكتى تىلدە ورتاعا سالىپ، ماعىنالى دا، ءماندى تۋىندىلارىن پاش ەتەدى.

«تاڭ-شولپان» قورىنىڭ يدەولوگيالىق شابىتتاندىرۋشىسى جانە ۇيىمداستىرۋشىسى – بەلگىلى سۋرەتشى، قازاقستان رەسپۋبليكاسى سۋرەتشىلەر وداعىنىڭ مۇشەسى ءجاميليا تاكەن.

سوڭعى جاڭالىقتار

ۇقساس جاڭالىقتار