تەحنولوگيا • 17 اقپان، 2020

Xiaomi روبوتتار عانا ىستەيتىن زاۋىت سالماقشى

289 رەتكورسەتىلدى

كورشى ەل قىتايدا Xiaomi كومپانياسى جىلدان جىلعا وركەندەپ، الىپ برەندتەرگە باسەكەلەس رەتىندە قاۋىپ ءتوندىرىپ وتىرعانىن بىلەمىز. بىراق جاقىندا بۇل ەلدە كوروناۆيرۋس اۋرۋى شىعىپ، تسيفرلىق دەرجاۆا اتانعىسى كەلەتىن ەلگە تالاي ەكونوميكالىق قيىندىقتار تۋدىرىپ وتىرعانى دا ايان. قىتاي جاڭا جىلىندا جان-جاققا تاراپ كەتكەن حالىق ەندى وزدەرى جۇمىس ىستەيتىن ءوندىرىس وشاقتارى كوپ ۇلكەن قالالارعا قايتا الماي دال بولۋدا. بۇل حالىقتىڭ دا، كاسىپورىنداردىڭ دا قالتالارى قاعىلىپ، شىعىنعا باتىپ جاتقاندىعىن كورسەتەدى.

كومپانيا باس ديرەكتورى لەي تسزيۋن وزدەرىنىڭ وسىنداي وقىس جاعدايلاردان شىعۋدىڭ امالىن دا تاپقانىن ايتتى. ءتىپتى، ول ءوز سۇحباتىندا بىردە-ءبىر ادام جۇمىس ىستەمەيتىن، تولىعىمەن اۆتوماتتاندىرىلعان ءوندىرىسى بار زاۋىتتى سالۋدىڭ العاشقى كەزەڭى بىتكەنىن دە جاريالادى. جاڭا زاۋىت مينۋتىنا 60 سمارتفون شىعارىپ، ءداستۇرلى وندىرىستەردەن 60 پايىزعا ارتىق ءونىمدى جۇمىس ىستەمەكشى ەكەن.

اۆتوماتتاندىرىلعان جەكەلەي بولىمشەلەر بۇرىندارى ىسكە قوسىلىپ، سىناقتان جاقسى وتكەندىكتەن مۇنداي زاۋىت جۇمىسىن جولعا قويۋ قيىن ەمەس كورىنەدى. تەك كوروناۆيرۋس ماسەلەسى عانا ازداپ تەجەۋ بولىپ وتىرعانى ايتىلدى. ينسايدەرلەردىڭ بولجاۋىنشا زاۋىت بەسىنشى بۋىنداعى قوندىرعىلاردى پايدالاناتىندىقتان ءوندىرىس تيىمدىلىگى وتە جوعارى بولادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار