وبلىس اكىمى ومىرزاق شوكەەۆ حالىققا ەسەپ بەرۋ كەزدەسۋىندە باعدارلاما اياسىندا ءتيىمدى جۇمىسپەن قامتۋ جانە كاسىپكەرلىك قىزمەتتى دامىتۋعا ەرەكشە نازار اۋدارىلاتىنىن اتاپ ءوتتى. تۇراقتى تابىس كوزىمەن قامتاماسىز ەتىپ وتباسىلاردى ومىرلىك قيىن جاعدايدان كەزەڭ-كەزەڭمەن شىعارۋ كوزدەلۋدە.
«اتالعان باعدارلاما اياسىندا جۇرگىزىلگەن جۇمىستار ناتيجەسىندە جاعدايى تىم تومەن, كريزيستىك جانە قاناعاتتانارلىقسىز دەڭگەيدە ءومىر ءسۇرىپ جاتقان 1643 وتباسى انىقتالىپ, ولاردىڭ ارقايسىسىنا ماتەريالدىق كومەك پەن قاجەتتى كەڭەس بەرەتىن ارنايى كۋراتورلار تاعايىندالعان. قازىردىڭ وزىندە باعدارلاما باستالعالى بەرى ومىرلىك قيىن جاعدايعا تاپ بولعان 900-دەن استام وتباسىعا 45 ملن تەڭگەنىڭ دەمەۋشىلىك كومەگى كورسەتىلىپ, 4 وتباسىعا كاسىپكەرلەر تاراپىنان ءۇي ساتىپ الىندى», دەدى وبلىس اكىمى.
سونداي-اق «قامقورلىق» باعدارلاماسى ارقىلى وتباسى مۇشەلەرىن جۇمىسقا تۇرعىزۋ, وقىتۋ سىندى ماسەلەلەر اۋدان, قالا اكىمدەرىنىڭ باقىلاۋىندا بولادى.
تۇركىستان وبلىسى
