Maveric قۇرىلىمى جولاۋشىلار سالونى, قانات جانە جانارماي بولىگىنەن تۇرادى. ەكى موتورى جاڭاعى ەرەكشە قاناتتاردىڭ ۇستىنە ورنالاسقان. بۇل كونسترۋكتورلىق شەشىم جانارمايدى 20 پايىزعا دەيىن ۇنەمدەۋگە مۇمكىندىك بەرەدى. سالونى ءىشى كەڭىپ جولاۋشىلار ورىندىعىنىڭ اراسى باسقالاردعا قاراعاندا الشاق جانە كوسىلىپ اياق سوزۋعا بولاتىن كورىنەدى.
دەگەنمەن, ۇشاقتىڭ كەمشىن تۇستارى دا بار ەكەن. شەت جاعىندا وتىراتىن جولاۋشىلاردى قاتتى شايقايتىندىقتان مۇنداي اۋە كەمەسىن باسقارۋ قيىنعا تۇسەدى. سالونداعى يلليۋميناتور قويىلماي, ونىڭ ورنىنا ۆيدەوەكران تۇرۋى ىقتيمال. قالاي بولعاندا دا Airbus كونتسەرنىنىڭ ارقاسىندا ۇشاق جاساۋ يندۋسترياسىندا جاڭا لەپپەن جاڭا باعىت پايدا بولدى. ونىڭ ىسكە اسۋى تەك ۋاقىت ەنشىسىندە.
