بۇل وسىمگە ماقتا تالشىعى, دايىن توقىما بۇيىمدارى, سىرتقى كيىم, اياق كيىم ءوندىرىسىن ۇلعايتۋ, سونداي-اق «بال تەكستيل» جشس كىلەم جانە كىلەم بۇيىمدارى ءوندىرىسى بويىنشا ءۇشىنشى تسەحىن, «QazProdGroup» جشس اياق كيىم ءوندىرىسىن, «ەKOHIM» جشس جىپتەر, سينتەتيكالىق جىپتەر, باۋلار, جەلىلەردى ءورۋ, ارقان-ءجىپ بۇيىمدارىن ءوندىرۋ جوبالارىن 2019 جىلى ىسكە قوسۋ ەسەبىنەن بارلىق كىشى سالالارىندا بايقالدى.
بۇگىنگى تاڭدا جەڭىل ونەركاسىپ سالاسىن دامىتۋ باسىم باعىتتاردىڭ ءبىرى بولىپ وتىر. ويتكەنى, حالىقتى جۇمىسپەن قامتۋدا الەۋمەتتىك ماڭىزى زور. 2015-2019 جىلدارى يندۋستريالاندىرۋ كارتاسى اياسىندا جالپى سوماسى 19 ملرد. تەڭگەنى قۇرايتىن 22 جوبا ىسكە قوسىلدى. 1732 جۇمىس ورنى اشىلدى. جەڭىل ونەركاسىپ ءوندىرىسى كولەمى 2015 جىلى 71,6 ملرد. تەڭگە بولسا, 2019 جىلى ول 112,7 ملرد. تەڭگەگە جەتتى.
سونىمەن قاتار «قاراپايىم زاتتار ەكونوميكاسىن» نەسيەلەۋ تەتىگى اياسىندا ەكىنشى دەڭگەيلى بانكتەر 6,6 ملرد.تەڭگە سوماسىنا 30 جەڭىل ونەركاسىپ جوباسىن ماقۇلدادى.
قازىرگى ۋاقىتتا جەڭىل ونەركاسىپ كاسىپورىندارىن قولداۋ ءونىم ەكسپورتىن دامىتۋ, ەڭبەك ونىمدىلىگىن ارتتىرۋدى ىنتالاندىرۋ, تاۋارلاردى ىشكى نارىققا ىلگەرىلەتۋ, «بيزنەستىڭ جول كارتاسى 2020» باعدارلاماسى سياقتى وڭدەۋ ونەركاسىبىن دامىتۋعا باعىتتالعان جۇيەلى شارالار شەڭبەرىندە كورسەتىلەدى. بۇدان باسقا, مينيستىرلىك جەڭىل ونەركاسىپتى دامىتۋ جونىندەگى 2019-2021 جىلدارعا ارنالعان جول كارتاسىن ازىرلەپ, ونى ۇكىمەت ماقۇلدادى. جول كارتاسى جەڭىل ونەركاسىپ كاسىپورىندارىن شيكىزاتپەن قامتاماسىز ەتۋ, ءونىمنىڭ زاڭسىز اينالىمىمەن كۇرەس, جەرگىلىكتى قامتۋدىڭ ۇلەسىن ۇلعايتۋ, سونداي-اق جۇيەلى قولداۋ شارالارى بويىنشا 52 ءىس-شارانى ىسكە اسىرۋدى كوزدەيدى.
جول كارتاسى شەڭبەرىندە جەرگىلىكتى اتقارۋشى ورگاندار ءۇشىن جەڭىل ونەركاسىبى, جيھاز ونەركاسىبى مەن قۇرىلىس ماتەريالدارىن مەملەكەتتىك ساتىپ الۋداعى جەرگىلىكتى قامتۋ بويىنشا نىسانالى ينديكاتورلار بەلگىلەندى.
جەڭىل ونەركاسىبىنىڭ تاۋارلارى 2019 جىلعى 1 شىلدەدەن باستاپ مەملەكەتتىك ساتىپ الۋلار الدىن الا بىلىكتىلىك سۇرىپتاۋمەن كونكۋرس تاسىلىمەن وتكىزىلەتىن تاۋارلار, جۇمىستار مەن قىزمەتتەر تىزبەسىنە ەنگىزىلدى. مەملەكەتتىك ساتىپ الۋدا الدىن الا بىلىكتىلىك ىرىكتەۋدەن وتكەن كەزدە يندۋستريالىق سەرتيفيكات بەرۋ قاراستىرىلعان.
بۇدان بولەك, كيىم مەن اياق كيىمدى مىندەتتى تاڭبالاۋ جانە باقىلاۋ بويىنشا پيلوتتىق جوبا ىسكە قوسىلدى. قازىرگى ۋاقىتتا وسى باعىتتا جول كارتاسى مەن ادىستەمەلىك ۇسىنىستار ازىرلەندى.
2019 جىلى جەڭىل ونەركاسىپ سالاسىنىڭ قىزمەت تۇرلەرى «استانا جاڭا قالا» ارنايى ەكونوميكالىق ايماق قىزمەتىنىڭ باسىم تۇرلەرىنىڭ تىزبەسىنە ەنگىزىلدى. قازىرگى ۋاقىتتا سالانى دامىتۋ ماقساتىندا «اليانس» سوك جانە «Azala Textile» جشس توقىما كاسىپورىندارىن «وڭتۇستىك» ارنايى ەكونوميكالىق ايماعىنىڭ سۋبايماعىنا قوسۋ جۇمىستارى جۇرگىزىلىپ جاتىر. «وڭتۇستىك» اەا توقىما جانە تىگىن ونەركاسىبىن دامىتۋ جانە قوسىلعان قۇنى جوعارى باسەكەگە قابىلەتتى تاۋارلار وندىرىسىنە كوشۋ ءۇشىن العىشارتتار جاساۋ ءۇشىن قۇرىلدى. ينۆەستورلار كورپوراتيۆتىك تابىس سالىعىن, م ۇلىك پەن جەر سالىعىن, 2030 جىلعا دەيىنگى مەرزىمگە كەدەندىك باجدى تولەۋدەن بوساتىلادى.
بيىل اتالمىش باعدارلاما بويىنشا جۇمىستار جالعاسادى. قازىر ماقتا-توقىما كلاستەرىن قۇرۋ بويىنشا جول كارتاسى ازىرلەندى. ول ماقتا تالشىعىن قايتا وڭدەۋدى 2 ەسە ۇلعايتۋدى كوزدەيدى. سونداي-اق جەڭىل ونەركاسىپ كاسىپورىندارى پايدالاناتىن شيكىزاتقا (ماتالار, جىپتەر, فۋرنيتۋرا جانە ت.ب.) كەدەندىك اكەلۋ باجدارىن تومەندەتۋ ماسەلەسىن شەشۋ مىندەتى تۇر.
بۇدان باسقا, 2020 جىلى ەكى جوبانى: «نازار تەكستيل» جشس-ءنىڭ سينتەتيكالىق ءيىرىمجىپ ءوندىرىسىن جانە «سەميراميدا» تىگىن فيرماسى" جشس-ءنىڭ ءوندىرىستى جاڭعىرتۋ جانە جەيدە ءوندىرىسىن ىسكە قوسۋ جوسپارلانىپ وتىر. ولاردىڭ جالپى ينۆەستيتسيا سوماسى 2,8 ملرد.تەڭگە بولىپ, 600 جاڭا جۇمىس ورنى اشىلادى.
