ويىن ەكى كوماندانىڭ الما-كەزەك شابۋىلىمەن ءوربىدى. ەسەپتى العاش بولىپ «بارىس» اشتى. ونى 24-مينۋتتا ەلوردالىق نيكيتا ميحايليس ءوزىنىڭ ەنشىسىنە جازدى. بۇدان كەيىن ايدىن يەلەرى قاتارىنان ەكى شايبا سوعىپ كەتتى. الدىمەن 28-مينۋتتا ەۆگەني موزەر سوقسا, 35-مينۋتتا پيتەر حوللاند ەسەپتى ۇستەمەلەي ءتۇستى.
ال 39-مينۋتتا «بارىس» حوككەيشىسى يرو پاكارينەن تارازى باسىن تەڭەستىردى. ءۇشىنشى كەزەڭ باستالا سالىسىمەن ايدىن يەلەرى ساپىنان ءبىر حوككەيشى ەكى مينۋتتىق ايىپپەن جازالاندى. ادام سانىنىڭ باسىمدىعىنا يە بولعان «بارىس» قاتارىنان داستين بويد 41-مينۋتتا مەرگەندىك تانىتىپ, ءوز كومانداسىن العا شىعاردى. ال 57-مينۋتتا ەلوردالىق حوككەيشى اتتە وحتاماا ەسەپتى ۇستەمەلەي ءتۇستى. وسىلايشا «بارىس» قارسىلاسىنان 4:2 ەسەبىمەن باسىم ءتۇستى.
ايتا كەتەرلىگى, بيىل ەلوردالىق كلۋب قارسىلاسىنان بەسىنشى مارتە باسىم ءتۇستى. ەندى تاعى ءبىر ويىندى 13 اقپاندا سىرت ايدىندا رەسەيدىڭ تسسكا (ماسكەۋ) كومانداسىمەن وتكىزەدى. ودان كەيىن ەلوردادا ءۇش كەزدەسۋ وينايدى. الدىمەن 15 اقپاندا رەسەيدىڭ «سوچي», 18 اقپاندا «سيبير» ء(نوۆوسىبىر), 21 اقپاندا «سالاۆات يۋلاەۆ» (ۋفا) كلۋبتارىمەن كەزدەسەدى.
