قر ءىىم تجك داعدارىس جاعدايىنداعى باسقارۋ ورتالىعىندا وتكىزىلگەن وتىرىسقا ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى قاتىستى.
«قازگيدرومەت» رمك, تج كوميتەتى, سۋ رەسۋرستارى كوميتەتىنىڭ باسشىلارى بولجامدار, سۋ تاسقىنى كەزەڭىنە دايىندىق, گيدروتەحنيكالىق قۇرىلىستاردىڭ سۋدى قابىلداۋ جانە اپاتسىز وتكىزۋگە تەحنيكالىق دايىندىعى تۋرالى باياندادى.
«2017-2020 جىلدارعا ارنالعان سۋ تاسقىنى قاتەرىنىڭ الدىن الۋ جانە جويۋ بويىنشا شارالار كەشەنى» جول كارتاسىنىڭ ءىس-شارالارىن ىسكە اسىرۋ كەزىندە 724 ەلدى مەكەنگە قاۋىپ-قاتەرلەر ازايتىلعانى اتاپ ءوتىلدى. 2017-2019 جىلدار ارالىعىندا 515 كم قورعاۋ بوگەتتەرى مەن قورعانىس بىلىكتەرى سالىندى, 508,1 كم قورعاۋ قۇرىلىستارى جوندەلدى, 537,1 كم سۋ تاسقىنى قاۋپى بار وزەن ارنالارىنداعى جاعالاۋدى بەكىتۋ, ءتۇبىن تەرەڭدەتۋ جانە تۇزەتۋ بويىنشا جۇمىستار جۇرگىزىلدى.
سۋ تاسقىنى جاعدايىنىڭ كۇردەلەنۋ ىقتيمالىنىڭ الدىن الۋ ءۇشىن 9 مىڭنان استام ادام, 1730 بىرلىك تەحنيكادان تۇراتىن اپاتتىق-قۇتقارۋ بولىمشەلەرىنىڭ كۇشتەرى مەن قۇرالدارىنىڭ توبى قۇرىلدى. كۇشتەر مەن قۇرالداردىڭ قوسىمشا رەزەرۆتىك توپتارى, ۇلتتىق ۇلاننىڭ اسكەري قىزمەتكەرلەرى مەن تەحنيكاسى دايىندالدى. حالىقتى حاباردار ەتۋ ماسەلەلەرى پىسىقتالدى.
سۋ تاسقىنى كەزەڭىنىڭ قاۋىپسىز ءوتۋى بويىنشا اتقارىلىپ جاتقان ءىس-شارالار تۋرالى نۇر-سۇلتان ق., اقمولا, شىعىس قازاقستان, سولتۇستىك قازاقستان, قاراعاندى, قوستاناي, پاۆلودار وبلىستارى اكىمدەرىنىڭ ورىنباسارلارى تىڭدالدى.
پرەمەر-ءمينيستردىڭ ورىنباسارى رومان سكليار سۋ تاسقىنىنا جول بەرمەۋ ءۇشىن الدىن الا شارالار قابىلداۋ جونىندە بىرقاتار ناقتى تاپسىرمالار بەردى.
