كەزدەسۋ بارىسىندا قازاقستان مەن دۇنيەجۇزىلىك بانكتىڭ اراسىنداعى بىرلەسكەن ىنتىماقتاستىقتى دامىتۋ باعىتتارى تالقىلاندى.
ء«بىز قازىر ەكونوميكالىق سۇراقتارعا ەرەكشە ءمان بەرۋدەمىز. بۇگىنگى تاڭدا سەنات ەل ەكونوميكاسى دامۋىن جەدەلدەتۋ, ادامداردىڭ تابىسىن ارتتىرۋ جانە مەملەكەت بيۋدجەتىنىڭ تابىستى بولىگىن ۇلعايتۋ جولىندا الاڭداۋلى», - دەدى د. نازارباەۆا.
ءوز كەزەگىندە ليليا بۋرۋنچۋك بىرلەسىپ جۇمىس ىستەۋگە دايىن ەكەندىگىن ايتا كەلىپ, دۇنيەجۇزىلىك بانك تالداۋ جانە اكىمشىلىك مونيتورينگتىك جوبالار, بيۋدجەت تابىسىنىڭ كولەمىن ارتتىرۋ جانە قاراجاتتى ۇتىمدى قولدانۋ شارالارىنا ەرەكشە نازار اۋداراتىنىن ءمالىم ەتتى.
سونىمەن قاتار دۇنيەجۇزىلىك بانكتىڭ ايماقتىق ديرەكتورى قازاقستاندا قابىلدانعان سالىقتىق رەفورمالاردىڭ ناتيجەسى مەن سالىقتىق جەڭىلدىكتەردىڭ تيىمدىلىگىن زەرتتەۋدى ۇسىندى. ودان بولەك, ل. بۋرۋچۋك دۇنيەجۇزىلىك بانكى تاراپىنان اگروونەركاسىپتىك كەشەن سالاسى, ترانزيت الەۋەتى جانە جاسىل ەكونوميكانى مونيتورينگىلەۋ مۇمكىندىگى تۋرالى ايتتى.
كەزدەسۋ ناتيجەسىندە ەكى جاق ەكونوميكالىق پروتسەستى ۇزاقمەرزىمدى باقىلاۋ مەتودولوگياسى, قولدانىستاعى ستاتيستيكانى تالداۋ جانە باعدارلامالاردى زەرتتەۋ بويىنشا كونسۋلتاتسيا الماسۋدى ودان ءارى جالعاستىرۋعا كەلىستى.
