پرەمەر-مينيستر مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس ۇكىمەت قازاقستاندا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا بارلىق قاجەتتى شارالاردى قابىلداپ جاتقانىن اتاپ ءوتتى.
«بۇگىنگى تاڭدا قازاقستان اۋماعىندا كوروناۆيرۋسپەن اۋىراتىندار تىركەلمەگەن. جاعداي تۇراقتى جانە ۇكىمەتتىڭ تۇراقتى باقىلاۋىندا», — دەدى ا. مامين.
ۇكىمەت باسشىسى دەنساۋلىق ساقتاۋ مينيسترلىگىنە سانيتارلىق-ەپيدەميولوگيالىق باقىلاۋ جۇمىستارىن جالعاستىرۋدى, سىرتقى ىستەر مينيسترلىگىنە قحر-داعى قازاقستاندىقتارمەن تىعىز بايلانىس ورناتىپ, ولارعا قاجەتتى كومەك كورسەتۋدى تاپسىردى.
پرەمەر-مينيستر مونوپولياعا قارسى ورگاندار مەن دەنساۋلىق ساقتاۋ مينيسترلىگىنىڭ نازارىن ءدارىحانا جەلىلەرىندەگى مەديتسينالىق ماسكالار مەن ۆيرۋسقا قارسى پرەپاراتتارعا باعانى جاساندى كوتەرۋدىڭ جەكەلەگەن فاكتىلەرىنە اۋداردى.
«ماسەلەنىڭ ءمان-جايىن انىقتاڭىزدار. جالپى, دەنساۋلىق ساقتاۋ مينيسترلىگى مەن وڭىرلەردىڭ اكىمدەرى جاعدايدى تۇراقتى باقىلاۋدا ۇستاۋى كەرەك», — دەپ تۇيىندەدى ا. مامين.
