اقتاۋدا ۇيىنەن تراۆماتيكالىق تاپانشا تاۋىپ العان 3 جاسار بالا ونىڭ شۇرىپپەسىن باسىپ قالىپ, ءوزىنىڭ باسىنا تيگىزگەن. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
ءبۇلدىرشىن وبلىستىق بالالار اۋرۋحاناسىنا جەتكىزىلدى. دارىگەرلەردىڭ ايتۋىنشا, ونىڭ باس-سۇيەگىنە زاقىم كەلگەن.
كەلەڭسىز وقيعا بولعان كەزدە اناسى مەن باعۋشى ايەل ۇيدە جۇرگەن, ءبۇلدىرشىن «وسا» تراۆماتيكالىق قارۋىمەن ويناپ ءجۇرىپ, ابايسىزدا شۇرىپپەنى باسىپ قالعان.
بالانىڭ اكەسى اكىمشىلىك جاۋاپكەرشىلىككە تارتىلۋى مۇمكىن.
سۇلتان بوزايعىر.
