ءبىز وسى رەتتە ازاماتتارىمىزدى ورتاق ىمىراعا شاقىرامىز. جەكەلەگەن ادامنىڭ ءوزارا كەلىسپەۋشىلىگى قوعامدىق دەڭگەيدەگى ماسەلەگە اينالىپ كەتپەۋى كەرەك. ويتكەنى ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) مۇسىلمان ۇمبەتى جاقسى ىستەر ءۇشىن عانا جينالاتىنىن وسيەت ەتكەن. شاريعاتىمىز ادامدار اراسىنا ارازدىق تۋدىراتىن كەز كەلگەن ارەكەتكە قاتاڭ تىيىم سالادى. بۇل زاڭعا دا قايشى. پايعامبار جولىن ۇستانعان مۇسىلمان مۇنداي امالعا استە بارمايتىنى بەلگىلى. بايقاماستان وزگە باۋىرىمىزعا قيانات جاساپ قويۋدان ساق بولعانىمىز قايىرلى. الاۋىزدىقتان اباي بولعانىمىز ابزال. قوعامداعى تىنىشتىق ارقايسىمىزدىڭ وتباسىمىز ءۇشىن اسا ماڭىزدى قۇندىلىق ەكەنى ءمالىم. ويتكەنى ەل مەن جەرىمىزدىڭ تىنىشتىعى بارشامىزعا امانات.
اللا تاعالا حالقىمىزدىڭ بىرلىگى مەن بەرەكەتىن, بەيبىتشىلىگى مەن اماندىعىن ارتتىرعاي. ءامين!
ناۋرىزباي قاجى تاعان ۇلى,
قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي
