ءبىر كۇن ىشىندە 700-گە جۋىق ادام قابىلداندى. قالا باسشىلىعىمەن كەزدەسۋگە كەلگەن تۇرعىنداردىڭ باسىم بولىگى تۇرعىن ءۇي ماسەلەلەرى بويىنشا جۇگىندى. التاي كولگىنوۆ بيىل قالادا مەملەكەت باسشىسىنىڭ تاپسىرماسىنا سايكەس قولجەتىمدى تۇرعىن ءۇي كولەمى ەداۋىر ۇلعايتىلاتىنىن ايتتى. سونىمەن قاتار ءبىرىنشى كەزەكتە ءۇيدى كەزەكتە تۇرعان ازاماتتار الاتىنىن مالىمدەدى.
مەملەكەت قولداۋىنىڭ ارقاسىندا «GLB» ءۇي قۇرىلىسى كومبيناتىنىڭ جۇمىسى قايتا جانداندى. قۇرىلىس كاسىپورنى ءۇيدىڭ ساپاسىنا نۇقسان كەلتىرمەي, شارشى مەتردىڭ وزىندىك قۇنىن تومەندەتۋگە جانە عيمارات سالۋ مەرزىمىن ەداۋىر قىسقارتۋعا مۇمكىندىك بەرەدى.
سونداي-اق ازاماتتار جۇمىسقا ورنالاسۋ, مەديتسينالىق كومەك الۋ, بالالاردى بالاباقشاعا ورنالاستىرۋ ماسەلەلەرى بويىنشا ءوتىنىش ءبىلدىردى. ۇلەستىك قۇرىلىس جانە تاعى باسقا ماسەلەلەر كوتەرىلدى. 2019 جىلدىڭ قاراشا ايىندا «جانۇيا» وتباسى ينستيتۋتىن قولداۋ ورتالىعىندا مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ اياسىندا «ازاماتتاردى قابىلداۋدىڭ بىرىڭعاي كۇنى» جالپى رەسپۋبليكالىق ءىس-شاراسى وتكەن بولاتىن.
ايزەرە سامارقان
