اتىراۋ وبلىسىنىڭ اكىمدىگى جاڭا يدەيانى قولدادى. ال ونى «قازاقستان» رترك» اق اتىراۋ فيليالى ۇسىندى. يدەيا دەگەندە ۇلت تاريحىنىڭ مۇنايلى ءوڭىر اۋماعىنداعى قۇندىلىقتارىن جۇرتشىلىققا تەرەڭىرەك جەتكىزۋدى كوزدەگەن «حازاردان –قازاققا دەيىن» اتتى جاڭا تەلەەكسپەديتسيانى ايتىپ وتىرمىز.
اتىراۋ وبلىسىنىڭ اكىمدىگى جاڭا يدەيانى قولدادى. ال ونى «قازاقستان» رترك» اق اتىراۋ فيليالى ۇسىندى. يدەيا دەگەندە ۇلت تاريحىنىڭ مۇنايلى ءوڭىر اۋماعىنداعى قۇندىلىقتارىن جۇرتشىلىققا تەرەڭىرەك جەتكىزۋدى كوزدەگەن «حازاردان –قازاققا دەيىن» اتتى جاڭا تەلەەكسپەديتسيانى ايتىپ وتىرمىز.
– مۇنىڭ ماقساتى – دەدى وبلىس اكىمىنىڭ ورىنباسارى شىڭعىس مۇقان تەلەەكسپەديتسيانى العاشقى ساپارعا شىعارىپ سالۋ راسىمىندە, – قانشا عاسىر ءوتسە دە ماڭىزدىلىعىن جويمايتىن تاريحتىڭ كۋاسى – ۇلى ءجىبەك جولىن نەگىزگە الا وتىرىپ, اتىراۋ وبلىسى وڭىرىندەگى تاريحي-مادەني مۇرالارعا ساياحات جاساۋ. ايماقتىڭ تاريحي-مادەني مۇراسىن قورعاۋ, قالپىنا كەلتىرۋ جانە پايدالانۋ جونىندەگى مەملەكەتتىك ينسپەكتسيانىڭ مالىمەتتەرىنە سۇيەنسەك, بۇگىندە وبلىس بويىنشا 313 تاريحي-مادەني ەسكەرتكىش, 525 مادەني نىسان ءتىركەلگەن. تۋعان ولكەمىزدىڭ باعا جەتپەس جادىگەرلەرى ولكەتانۋشى, ارحەولوگ, تاريحشىلار مەن جۋرناليستەردىڭ دەرەكتەرى ارقىلى قالىڭ جۇرتشىلىققا جەتكىزىلمەك.
ماقات اۋدانىنان باستاۋ الاتىن العاشقى ساپار جىلىوي, قىزىلقوعا, يندەر اۋداندارىندا جالعاسىن تاپپاق. سونان سوڭ, اتىراۋ قالاسى مەن ماحامبەت, يساتاي, قۇرمانعازى اۋداندارىنىڭ ەلدى مەكەندەرىندە جالعاستىرۋ كوزدەلىپ وتىر. «تاريحي-مادەني ەسكەرتكىشتەر جىل سايىن جاڭادان انىقتالىپ جاتىر. ارحەولوگيالىق ەسكەرتكىشتەردى ءالى دە تەرەڭىرەك زەرتتەپ, مەملەكەتتىك تىزىمگە ەنگىزەمىز دەگەن جوسپارىمىز بار», دەيدى تاريحي-مادەني مۇرانى قورعاۋ, قالپىنا كەلتىرۋ جانە پايدالانۋ جونىندەگى مەملەكەتتىك ينسپەكتسيانىڭ باسشىسى عالىمجان ىسقاقوۆ.
اتىراۋ ءوڭىرى تەك مۇنايىمەن عانا تانىمال ەمەس. ۇلى ءجىبەك جولىنداعى باتىس ولكەلەردىڭ كىندىگى, قازاق حاندىعىنىڭ تۇڭعىش استاناسى سارايشىق شاھارى دا وسى وڭىردە ورنالاسقانى بارشاعا بەلگىلى. سونىمەن بىرگە, اسان قايعى سالدىرعان دەلىنەتىن قورعانشا قالاسى, التىن ادام تابىلعان ارالتوبە قورىمى سەكىلدى ەجەلگى تاريحي جادىگەرگە اينالعان مەكەندەر بار. جوڭعار-قالماق شاپقىنشىلىعى, يساتاي-ماحامبەت باستاعان ۇلت ازاتتىق كوتەرىلىسىنىڭ شەجىرەلى تاريحىنان سىر شەرتەتىن تاريحي ورىندار دا كوپ. دەمەك, وسىنىڭ ءبارى ۇلت تاريحىنىڭ قۇندىلىعى رەتىندە كەڭىنەن ناسيحاتتالىپ, كەيىنگى ۇرپاققا شاشاۋسىز جەتكىزىلۋى ءتيىس.
تەلەەكسپەديتسيا قۇرامىندا 12 ادامنان تۇراتىن كاسىبي تەلەجۋرناليستيكا مايتالماندارى مەن ارحەولوگتار, تاريحشىلار جانە ولكەتانۋشىلار بار. ونىڭ قۇرامىنداعى توپ جەتەكشىلەرىنىڭ ءبىرى, «قازاقستان» رترك» اق اتىراۋ فيليالىنىڭ رەداكتورى ە.ەسمۇراتوۆانىڭ ايتۋىنشا, تەلەەكسپەديتسيا قورىتىندىسىمەن مۇنايلى ءوڭىردەگى جاڭا جوبا –10 بولىمنەن تۇراتىن دەرەكتى فيلم ءتۇسىرىلىپ, ارنايى كىتاپ شىعارىلماق.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.
