تەننيس. جاقىندا قازاقستاندىق تەننيسشى كاميلا كەرىمباەۆا ۋكراينانىڭ دونەتسك قالاسىندا ءوتىپ جاتقان تەننيستەن ITF ءتۋرنيرى ىرىكتەۋ كەزەڭىنىڭ جەڭىمپازى اتاندى.
تەننيس. جاقىندا قازاقستاندىق تەننيسشى كاميلا كەرىمباەۆا ۋكراينانىڭ دونەتسك قالاسىندا ءوتىپ جاتقان تەننيستەن ITF ءتۋرنيرى ىرىكتەۋ كەزەڭىنىڭ جەڭىمپازى اتاندى.
ەندى ول دونەتسك قالاسىندا وتەتىن تۋرنيرگە قاتىسادى. ءتۋرنيردىڭ جۇلدە قورى 75 000 اقش دوللارى. وسىدان كەيىن ول تۇركيادا وتەتىن جارىسقا قاتىسۋدى جوسپارلاپ وتىر. مۇنداعى جۇلدە قورى – 25 000 اقش دوللارى. حوككەي. بۇگىن استانادا «نۇر وتان» حدپ, قازاقستان حوككەي فەدەراتسياسى مەن «بارىس» حك-نىڭ ۇيىمداستىرۋىمەن قازاقستان رەسپۋبليكاسى پرەزيدەنتىنىڭ كۋبوگى جولىندا حالىقارالىق تۋرنير باستالادى.
بۇل سىنعا جەرگىلىكتى «بارىس» پەن قۇرلىقتىق حوككەي ليگاسىندا ونەر كورسەتەتىن «يۋگرا» (حانتى-مانسي), «امۋر» (حاباروۆسك), «ۆيتياز» (پودولسك) كوماندالارى قاتىسادى. ونىڭ اشىلۋ سالتاناتى «قازاقستان» مۇز سپورت سارايىندا وتسە, ويىندارى وسى جەردە 13 تامىزعا دەيىن جالعاسادى. ءتۋرنيردىڭ اشىلۋ سالتاناتىنا «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك قاتىسادى دەپ كۇتىلۋدە.
تۋرنيردەگى «بارىس» كلۋبىنىڭ ويىندارى مەن فينالدىق كەزدەسۋلەردىڭ ءبارىن «KAZSPORT» جانە «كحل-TV» ارناسى تىكەلەي ەفيردە كورسەتەدى. بۇگىن جارىستىڭ اشىلۋ سالتاناتىنان كەيىن مۇز ايدىنىنا «بارىس» پەن حاباروۆسكىنىڭ «امۋر» كومانداسى شىعادى. ونىڭ الدىندا ساعات 14.00-دە «يۋگرا» مەن «ۆيتياز» كەزدەسەدى. ال 10 تامىزدا ساعات 14.00-دە «ۆيتياز» بەن «امۋر», ساعات 18.00-دە «بارىس» پەن «يۋگرا», 12 تامىزدا ساعات 14.00-دە «امۋر» مەن «يۋگرا», ساعات 19.00-دە «بارىس» بەن «ۆيتياز» كەزدەسسە, 13 تامىزدا ساعات 14.00-دە ءۇشىنشى ورىن ءۇشىن ماتچ, ساعات 19.00-دە فينال وتەدى.
فۋتبول. 11 تامىزدا ەلورداداعى «استانا-ارەنا» ستاديونىندا قازاقستان جاستار قۇراماسى ەۋروپا چەمپيوناتىنىڭ ىرىكتەۋ كەزەڭىندە ارمەنيا كومانداسىن قابىلدايدى. ماتچ استانا ۋاقىتى بويىنشا ساعات 19.00-دە باستالادى. بۇدان كەيىن, 14 تامىزدا قازاقستان ۇلتتىق قۇراماسى گرۋزيا كومانداسىمەن جولداستىق كەزدەسۋ وتكىزەدى. بۇل ويىن ساعات 20.00-دە باستالادى. ەكى كەزدەسۋگە دە كىرۋ تەگىن.
سۋعا ءجۇزۋ. وسى اپتادا استاناداعى «قازاقستان» سپورت كەشەنىڭدە اسكەري قىزمەتشىلەر اراسىندا سۋعا جۇزۋدەن چەمپيونات بولىپ ءوتتى. وعان قازاقستان رەسپۋبليكاسى قورعانىس مينيسترلىگى ورتالىق اپپاراتىنىڭ قۇرىلىمدىق بولىمشەلەرىنەن, اسكەر تۇرلەرى مەن تەكتەرىنەن, اقمولا وڭىرلىك گارنيزونىندا شوعىرلانعان اسكەري بولىمدەر مەن مەكەمەلەردەن جاساقتالعان 16 كوماندا قاتىستى.
قورىتىندىدا ايەلدەر اراسىندا اۋە قورعانىسى كۇشتەرى اسكەري-اۋە كۇشتەرىنە قاراستى 19132 اسكەري ءبولىمىنىڭ كەلىسىمشارت بويىنشا كىشى سەرجانتى ە. پريبىتكوۆا التىن مەدالدى يەلەندى. ەرلەر اراسىندا 30 جاسقا دەيىنگى جەكە بىرىنشىلىكتە اسكەري-تەڭىز كۇشتەرى باس قولباسشىسى باسقارماسىنىڭ اعا لەيتەنانتى م. ءابىلماجىنوۆ 100 مەترلىك قاشىقتىقتا 1 مينۋت 18 سەكۋند ناتيجە كورسەتىپ, ءبىرىنشى ورىندى جەڭىپ السا, ەكىنشى ورىندى 14776 اسكەري ءبولىمىنىڭ لەيتەنانتى ە. عالىمجان ۇلى يەلەندى. ءۇشىنشى ورىن 55765 اسكەري ءبولىمىنىڭ وكىلى كىشى سەرجانت ا. يبراەۆقا بۇيىردى.
جالپىكوماندالىق ەسەپتە جۇلدەلى ءبىرىنشى ورىندى قازاقستان رەسپۋبليكاسى قارۋلى كۇشتەرى تىل باسشىلىعى يەلەنسە, ەكىنشى جانە ءۇشىن ورىنداردى 14776 اسكەري ءبولىمى مەن اۋە قورعانىسى كۇشتەرىنىڭ كوماندالارى ءبولىستى.
«ەگەمەن-اقپارات».
