ون ەكى ايدىڭ سۇلتانى – رامازان ايىندا الەۋمەتتىك جاعدايى تومەن, مۇقتاج جاندارعا كومەك قولىن سوزۋ – ءار مۇسىلماننىڭ ساۋاپتى ءىسى.
ون ەكى ايدىڭ سۇلتانى – رامازان ايىندا الەۋمەتتىك جاعدايى تومەن, مۇقتاج جاندارعا كومەك قولىن سوزۋ – ءار مۇسىلماننىڭ ساۋاپتى ءىسى.
توڭكەرىس اۋىلىنىڭ يمامى بەكبولات حاسەن ۇلى «جەتىم كورسەڭ, جەبەي ءجۇر», دەگەن اتا-بابالارىمىزدىڭ وسيەتىن العا تارتا وتىرىپ, اۋىلىمىزداعى كوپ بالالى, از قامتىلعان, جەتىم-جەسىرلەر مەن مۇقتاج جاندارعا بەسىن نامازىنان كەيىن قايىرىمدىلىق كومەك ۇيىمداستىردى. مەشىتكە جينالعان جيىرما-وتىز بالاعا ءتاتتى تاعامدار مەن جەمىس-جيدەكتەر, سۋسىندار بەرىلىپ, داستارقان جايىلدى. حالىقتىڭ بەرگەن ءپىتىر-ءناپىل, زەكەت ساداقالارىنان جينالعان قارجى ەسەبىنەن ون ءتورت بالاعا كيىم-كەشەك اپەرىلدى. اۋىل اقساقالدارى مەن اق جاۋلىقتى اجەلەرىمىز بالالارعا وزدەرىنىڭ تىلەكتەرىن ايتىپ, اق باتالارىن بەردى.
وسىدان كەيىن يمام جينالعان جاماعاتقا – رامازان ايى, قاسيەتتى قادىر ءتۇنى, جات اعىمدار جايلى, يسلام ءدىنىنىڭ قۇندىلىقتارى تۋرالى تاربيەلىك ءمانى زور ۋاعىز-ناسيحات ايتتى. ادامگەرشىلىك پەن ازاماتتىق ءىس-ارەكەتىمەن اينالاسىنا قادىرلى بولاتىن, كىسىلىك جانە كىشىلىك نۇرى تۇلا بويىنان توگىلىپ تۇراتىن ادام عانا ەرتەڭگى بولاشاق ومىردە ەلدىڭ, حالىقتىڭ ماقتانىشى بولاتىنىن جەتكىزدى.
سالتانات قاۋمۇراتوۆا.
اقمولا وبلىسى.
