ەندى جەتكىنشەكتەر تۇركياعا شاقىرتۋ الىپ, كەزەكتى دايىندىققا كىرىسىپ كەتتى
ەندى جەتكىنشەكتەر تۇركياعا شاقىرتۋ الىپ, كەزەكتى دايىندىققا كىرىسىپ كەتتى
گازەتىمىزدىڭ 24 شىلدەدەگى سانىندا ەستۋ قابىلەتى وتە ناشار بالالار مەكتەپ-ينتەرناتى جانىندا «Sensitive» بال بيلەرى ءانسامبلى جۇمىس ىستەيتىنىن, ءتۇرلى دارەجەدەگى بايقاۋلاردا توپ جارىپ جۇرگەنىن, بولگاريادا وتەتىن «سولنەچنىي تانەتس» حالىقارالىق بايقاۋىنا قارجى تاپپاي داعدارعان ساتتە ايماق باسشىسى سامات ەسكەندىروۆتىڭ قولداۋىمەن ساپارعا اتتانىپ كەتكەنىن جازعان ەدىك. ون ەكى مۇشەسى ساۋ 200-گە جۋىق قاتىسۋشىلار اراسىندا ونەر كورسەتكەن ەلىمىزدەگى بىرەگەي ۇجىمنىڭ تاربيەلەنۋشىلەرى 16-20 جاستاعى ۇمىتكەرلەر اراسىندا «بال ءبيى» اتالىمى بويىنشا توپ جارىپ, باس بايگەنى يەلەندى. وندا «ۆەنا ءۆالسى», «چا-چا-چا», «پاسادوبل» بيلەرىن اسقان شەبەرلىكپەن, وزىندىك مانەرمەن ورىنداپ, مۇمكىندىكتەرىنىڭ شەكتەۋلىگىنە قاراماستان, قازىلار القاسىن دا, ونەرسۇيەر قاۋىمدى دا قايران قالدىردى.
بال بيلەرى ءانسامبلىن «سلاۆيانسكي پۋت» ۇلتتىق مادەنيەت, ونەر جانە قولونەر جازعى مەكتەبى ۇيىمداستىرعان دودالى باسەكەگە باستاپ بارعان حورەگراف ولگا روستوۆششيكوۆا تۇرىك ەلىندە وتەتىن بەدەلدى حالىقارالىق بي بايقاۋىنا شاقىرتۋ العانىن قۋانا جەتكىزدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
سۋرەتتى تۇسىرگەن
امانگەلدى بەكمۇراتوۆ.
