شارا بارىسىندا "وتمك" اق پرەزيدەنتى اسەم مامۋتوۆا مەن ءۇندىستان قورعانىس مينيسترلىگىنىڭ مەملەكەتتىك كاسىپورنى Mishra Dhatu Nigam Limited (MIDHANI) كومپانياسىنىڭ باسقارما توراعاسى دوكتور دينەش كۋمار ليكحي ىنتىماقتاستىق تۋرالى مەموراندۋمعا قول قويدى, ونىڭ شەڭبەرىندە تيتان بيويمپلانتتارى مەن مەديتسينالىق قۇرالدار ءوندىرىسى سالاسىنداعى ارىپتەستىك ىنتىماقتاستىق نىعايا تۇسپەك.
ەلىمىزدىڭ تاراپىنان مەموراندۋمعا قول قويۋ شاراسىنا يندۋستريا جانە ينفراقۇرىلىمدىق دامۋ ۆيتسە-ءمينيسترى تالعات جانجۇمەنوۆ جانە قازاقستان رەسپۋبليكاسىنىڭ ۇندىستانداعى توتەنشە جانە وكىلەتتى ەلشىسى ەرلان الىمباەۆ قاتىستى.
"وسكەمەن تيتان-ماگني كومبيناتى" MIDHANI كومپانياسىمەن 2010 جىلدان باستاپ ارىپتەستىك قارىم-قاتىناس ورناتقان. قازىرگى ۋاقىتتا وتاندىق كاسىپورىن MIDHANI-گە مەديتسينالىق بۇيىمداردى ءوندىرۋ ءۇشىن كەۋەكتى تيتاندى جانە Eli تيتان قورىتپالارىن ەكسپورتتايدى.
MIDHANI اتوم ەنەرگەتيكاسى, اەروعارىشتىق, حيميالىق جانە مۇناي-حيميا سالالارى ءۇشىن تيتان ونىمدەرىن, سونداي-اق ASTM, BSI, ISO جانە BIS حالىقارالىق ەرەكشەلىكتەرىنە سايكەس كەلەتىن جانە ءۇندىستاننىڭ دارىلىك زاتتاردى باقىلاۋ باسقارماسى ليتسەنزيالاعان الەمدىك دەڭگەيدەگى تيتان بيويمپلانتتارى مەن پروتەزدەرىن شىعارادى.
"وتمك" اق پرەزيدەنتى اسەم مامۋتوۆانىڭ ايتۋىنشا, كومبينات ءۇشىن DefExpo India 2020 كورمەسىنە قاتىسۋ-بۇل اۆياعارىشتىق جانە مەديتسينالىق ماقساتتاعى تيتان ونىمدەرىن ءوندىرۋ جانە جەتكىزۋ, سونداي-اق قۇرامىندا تيتان بار شيكىزات ءوندىرۋ سالاسىنداعى ءۇندىستاننىڭ كاسىپورىندارىمەن ستراتەگيالىق سەرىكتەستىكتىڭ نەگىزىن بەكىتۋ مۇمكىندىگى بولىپ تابىلادى.
"وسكەمەن تيتان-ماگني كومبيناتى" اق شيكىزات وندىرۋدەن باستاپ قوسىلعان قۇنى جوعارى ءونىم شىعارۋعا دەيىن باعىتتالعان تيتان ءوندىرۋشىسى بولىپ تابىلادى. كومبيناتتىڭ تاۋارلىق ءونىمىنىڭ نەگىزگى تۇرلەرى: كەۋەكتى تيتان, قۇيماداعى العاشقى ماگني, تيتان قۇيمالارى مەن قورىتپالارى. "وتمك"اق ونىمدەرى الەمنىڭ اۆياعارىشتىق سالاسىنىڭ بارلىق وندىرۋشىلەرىمەن سەرتيفيكاتتالعان. قازىرگى ۋاقىتتا زاۋىت ءونىمىنىڭ 100%-ى اقش, ۇلىبريتانيا, رەسەي, فرانتسيا, وڭتۇستىك كورەيا, ءۇندىستان جانە قىتاي سياقتى يندۋستريالىق دامىعان ەلدەرگە ەكسپورتقا شىعارىلادى.
وتكەن جىلى كەۋەكتى تيتان ءوندىرىسىنىڭ كولەمى 2018 جىلمەن سالىستىرعاندا 44% - عا ارتسا, تيتان قۇيمالارى مەن قورىتپالارى ءوندىرىسىنىڭ كولەمى 4% - عا ءوستى.
قازىرگى كەزدە كومپانيانىڭ 2033 جىلعا دەيىنگى دامۋ ستراتەگياسى ازىرلەندى, ونىڭ شەڭبەرىندە بىرقاتار ينۆەستيتسيالىق جوبالار ىسكە اسىرىلۋدا. وسى باعدارلامانىڭ ماقساتى شىعارىلاتىن ءونىمنىڭ نومەنكلاتۋراسىن كەڭەيتۋ, تيتان ءوندىرىسىن جاڭا قايتا ءبولۋدى ۇيىمداستىرۋ, سونداي-اق ءتيىستى مامانداردى دايارلاۋمەن وندىرىستىك پروتسەستەردى اۆتوماتتاندىرۋ جانە روبوتتاندىرۋ بولىپ تابىلادى.
