اعىلشىن ساياحاتشىسى سەمەيدە

سەمەيگە اعىلشىندىق ساياحاتشى ۋيليام دجونسون كەلدى.

سەمەيگە اعىلشىندىق ساياحاتشى ۋيليام دجونسون كەلدى.

ول انگليادان باس­تاپ, بۇكىل الەمدى ارالاپ كەلەدى ەكەن. بۇل ساپارى جولىندا قازاقستان وعان 30-ىنشى ەل بولىپ تۇر. 23 جاسار جىگىت –وكسفورد ۋنيۆەرسيتەتىنىڭ ستۋدەنتى. ۋنيۆەرسيتەتتە ەكونوميكانى وقىپ, بوس ۋاقىتىندا ۆەلو­سپورتپەن اينالىسقان. سونىڭ ناتيجە­سىندە ول ۆەلوساياحات جاساۋعا قۇمار بولىپ­تى. وتكەن جىلدىڭ ناۋرىزىندا ول جەر ءجۇ­زىنە ساياحات جاساۋدى باستاپ, جارتى جىل ىشىندە فرانتسيا, گەرمانيا, ەۋروپا, ورتالىق ازيا ەلدەرىندە بولعان. مىنە, ەندى قازاقستاندى دا ارالاپ كەلە جاتىر.

– مەن قازاقستاننىڭ انگليادان الدە­قاي­دا ۇلكەن ەكەندىگىن كوردىم, – دەيدى ول. – جول ۇزاق. ءار 200-300 شاقىرىم سايىن توقتاپ وتىردىم. جول بويىندا ءدام­حا­نالار كەزىكتى. ساپار بارىسىندا تاماق­تى ۇنەمدەۋ كەرەك بولدى. ايتپەسە, جول ۇزاق­تىعىنان كەلەسى تاماق ىشەتىن جەر­گە جەتپەي دە قالۋىم مۇمكىن ەدى. ونىڭ ۇستىنە جالعىز ءوزىڭ جول بويىندا كەلە جاتىپ, ءىشىڭ پىسادى, ەشكىممەن ءتىل قاتىس­پايسىڭ.

سەمەيلىك ستۋدەنتتەر اعىلشىننىڭ ءوزى كەلگەنىنە قۋانىپ, سول تىلدە سويلەسىپ قالدى. اڭگىمە-دۇكەن قىزىقتى ءوتتى. ەندى قازاقستاننان كەيىن ۋيليام رەسەيگە ساپار شەكپەك. ءنوۆوسىبىر مەن يركۋتسكىدەن كەيىن موڭعولياعا بارماقشى.

راۋشان نۇعمانبەكوۆا.

سەمەي.