جازعى دەمالىس كەزىندە وبلىس ورتالىعىنداعى نەگىزگى كوشەلەردىڭ قيىلىستارىنداعى اپاتتى وقيعالاردىڭ الدىن-الۋ, جول ءجۇرۋ ەرەجەلەرىن ناسيحاتتاۋ بارىسىندا حالىقارالىق باعدارشام كۇنىنە ارنالىپ مەكتەپ وقۋشىلارى «ءبىز – جولداعى قاۋىپسىزدىك ءۇشىن!» اتتى شاراسىن وتكىزدى. شارانى «نۇر وتان» حدپ-نىڭ جانە «جاس وتان» جاستار قاناتىنىڭ وبلىستىق بولىمشەلەرى مەن ىشكى ىستەر دەپارتامەنتى اكىمشىلىك پوليتسيا باسقارماسى ۇيىمداستىردى. كولىك جۇرگىزۋشىلەرى مەن جاياۋ جۇرگىنشىلەرگە جول ءجۇرۋ ەرەجەلەرىنە ارنالعان اقپاراتتىق قاعازدار تاراتتى.
– بۇگىنگى كۇنگە دەيىن بالالارعا قاتىستى 485 جول-كولىك وقيعاسى تىركەلگەن. ەندى ءبىراز كۇندەردەن سوڭ جاڭا وقۋ جىلى دا باستالادى. ءبىزدىڭ بۇل شارانى ءوتكىزۋىمىزدىڭ ءوزى جاڭا وقۋ جىلى الدىنداعى ۇلكەن ساباق دەپ ويلايمىز. مۇنداي شارالاردى وتكىزۋدەگى ماقسات جولداعى اپاتتىق وقيعالاردىڭ الدىن-الۋعا باعىتتالىپ وتىر. جول ەرەجەلەرىن ورەسكەل بۇزىپ, اۋىر زارداپتارعا اكەلىپ سوعىپ جاتادى. «ساقتانساڭ – ساقتايدى» دەگەن. بالالار وسىنى تۇسىنۋلەرى كەرەك, دەيدى اكىمشىلىك پوليتسيا باسقارماسى جول-پاترۋلدىك ءبولىمىنىڭ ينسپەكتورى سەرىك جۇمانوۆ.
فاريدا بىقاي,
«ەگەمەن قازاقستان».
پاۆلودار.
