ۇيلەستىرۋ كەڭەسىنىڭ جاڭا مۇشەلەرى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ سايتىندا ونلاين داۋىس بەرۋ ارقىلى تاڭدالادى.
ۇيلەستىرۋ كەڭەسى 2014 جىلى قۇرىلىپ, قۇرامى 6 جىل بويى جاڭارتىلماعان.
بۇگىنگى كۇنى ۇيلەستىرۋ كەڭەسىنە 26 ادام كىرەدى. ولاردىڭ اراسىندا ساڭىراۋلار, زاعيپتار, سال اۋرۋىنا شالدىققان ازاماتتار, جاستار مۇگەدەكتەر قوعامىنىڭ, مۇگەدەك ايەلدەردىڭ, جوعارى ءبىلىمدى مۇگەدەكتەر بىرلەستىكتەرىنىڭ وكىلدەرى بار.
ۇيلەستىرۋ كەڭەسىن جاڭارتۋ بىرنەشە كەزەڭدە جۇزەگە اسىرىلادى. ءبىرىنشى كەزەكتە مۇمكىندىكتەرى شەكتەۋلى بەلسەندى ازاماتتاردىڭ بارىنشا قاتىسۋىمەن وڭىرلىك كەڭەستەر قۇرىلاتىن بولادى. ءاربىر وبلىستا قۇرامىنا كەمىندە 20 ادام كىرەدى. وڭىرلىك ۇيلەستىرۋ كەڭەستەرىنەن رەسپۋبليكالىق كەڭەستىڭ قۇرامىنا 1 وكىلدەن تاڭداپ الىنادى.
مۇمكىندىگى شەكتەۋلى ادامداردىڭ قاتارىنان ۇيلەستىرۋ كەڭەسى مۇشەلەرىنە قوسىمشا تاڭداپ الۋدىڭ جاڭالىعى ونلاين داۋىس بەرۋ ارقىلى بولادى. ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىندا اقپان ايىنىڭ سوڭىندا الەۋەتتى ۇمىتكەرلەردەن وتىنىمدەر قابىلداۋ باستالادى. جەڭىمپازدار انىقتالعاننان كەيىن ۇكىمەت قاۋلىسىنا وزگەرىستەر ەنگىزىلەدى.
ايتا كەتەيىك, ۇيلەستىرۋ كەڭەسىنىڭ مۇشەلەرى ورتالىق جانە جەرگىلىكتى اتقارۋشى ورگانداردىڭ, ۇيىمداردىڭ, قوعامدىق بىرلەستىكتەردىڭ مۇگەدەكتەردىڭ قۇقىقتارىن جۇزەگە اسىرۋ, ولاردىڭ تىرشىلىك ارەكەتى مەن قوعامعا كىرىگۋى ءۇشىن تەڭ مۇمكىندىكتەر جاساۋ ماسەلەلەرى بويىنشا قىزمەتتەرىن ۇيلەستىرۋ بويىنشا ۇسىنىستار ازىرلەيدى. رەسپۋبليكالىق ۇيلەستىرۋ كەڭەسىنىڭ وتىرىسى جىلىنا 2 رەت وتەدى. وندا وتە ماڭىزدى ماسەلەلەر كوتەرىلەدى. سوڭعى وتىرىستا ايتىلعان ۇسىنىستار قازاقستان رەسپۋبليكاسىندا مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپارعا 2025 جىلعا دەيىن ەنگىزىلدى.
