ايتا كەتۋ كەرەك, بىلتىر «QazAvtoJol» ۇك» اق مەن ەكولوگيا, گەولوگيا جانە تابيعي رەسۋرستار مينيسترلىگىنە قاراستى ەكولوگيالىق رەتتەۋ جانە باقىلاۋ كوميتەتى اراسىندا بەكىتىلگەن كەلىسىمشارتقا سايكەس 5 جىل ىشىندە رەسپۋبليكالىق ماڭىزى بار اۆتوموبيل جولدارىن سالۋ, جاڭارتۋ ءۇشىن وندىرىستىك قالدىقتاردىڭ 5,3 ملن تونناسى پايدالانىلادى دەپ جوسپارلانىپ وتىر.
قازاقستاندىق ەكولوگتاردىڭ ايتۋىنشا, ەلىمىزدە قالدىقتاردىڭ 22 ملرد-تان استام تونناسى جيناقتالعان. ونىڭ 16 ملرد تونناسى – تەحنوگەندى مينەرالدى قۇرىلىمدار, 6 مىڭعا جۋىق تونناسى – ءوندىرىس ورىندارىنان شىعاتىن قاۋىپتى قالدىقتار. وسىلايشا, جىل سايىن ەلىمىزدە ونەركاسىپتىك قالدىقتاردىڭ 700 ملن-عا جۋىق تونناسى جينالادى. اتالمىش ماتەريالداردى رەسپۋبليكالىق ماڭىزعا يە اۆتوموبيل جولدارىنىڭ قۇرىلىسى مەن رەكونسترۋكتسياسى سالاسىندا پايدالانۋ قورشاعان ورتانى قورعاۋدا, رەسۋرستاردى راتسيونالدى قولدانۋدا ۇلەس قوسۋدا.
ايتا كەتۋ كەرەك, ونەركاسىپتىك قالدىقتار - جول جامىلعىسى ساپاسىن جاقسارتۋعا مۇمكىندىك بەرەتىن جول سالاسى ءۇشىن ارزان ءارى ءتيىمدى قۇرىلىس ماتەريالدارى. وسىلايشا ول جولداردىڭ ساپاسىن ارتتىرىپ, اۆتوموبيل جولدارىنا قىزمەت كورسەتۋگە كەتەتىن شىعىندى ازايتۋعا مۇمكىندىك بەرەدى.
وندىرىستىك قالدىقتارمەن قاتار, ەلىمىزدە جولداردىڭ قۇرىلىسىندا قايتالاما شيكىزات قولدانىلادى. ماسەلەن, «كوكشەتاۋ – كىشكەنەكول - بيدايىق – رف شەكاراسى (ومبىعا)» جولىندا اسفالتبەتوندى جامىلعىنىڭ جوعارعى قاباتىندا رەزەڭكە ۇگىندىنى تاجىريبەلىك-ەكسپەريمەنتتىك قولدانۋ جۇرگىزىلدى. سونداي-اق, بۇگىنگى تاڭدا جولشىلار قايتالاما ماتەريالداردى پايدالانا وتىرىپ, سۋىق رەسايكلينگ ءادىسىن بەلسەندى قولدانادى. 2015 جىلدان باستاپ اتالمىش تەحنولوگيا بويىنشا ۇزىندىعى 2 مىڭ شاقىرىمنان استام اۆتوجولدارعا جوندەۋ جۇرگىزىلدى.
