جۋىردا پاۆلودار وبلىسىنىڭ اكىمى ەرلان ارىن باستاعان دەلەگاتسيا ايماقارالىق ىنتىماقتاستىقتى دامىتۋ جانە نىعايتۋ ماقساتىندا باشقۇرتستان استاناسى – ۋفا قالاسىنا ساپارمەن بارىپ قايتقان ەدى. ساپار بارىسىندا ولار ەكى ەل كاسىپكەرلەرىنىڭ بيزنەس-فورۋمىنا جانە «ىنتىماقتاستىقتىڭ ساياسي-قۇقىقتىق, ەكونوميكالىق جانە الەۋمەتتىك-مادەني دالەلدەرى» اتتى حالىقارالىق عىلىمي-تاجىريبەلىك كونفەرەنتسياعا قاتىستى.
جۋىردا پاۆلودار وبلىسىنىڭ اكىمى ەرلان ارىن باستاعان دەلەگاتسيا ايماقارالىق ىنتىماقتاستىقتى دامىتۋ جانە نىعايتۋ ماقساتىندا باشقۇرتستان استاناسى – ۋفا قالاسىنا ساپارمەن بارىپ قايتقان ەدى. ساپار بارىسىندا ولار ەكى ەل كاسىپكەرلەرىنىڭ بيزنەس-فورۋمىنا جانە «ىنتىماقتاستىقتىڭ ساياسي-قۇقىقتىق, ەكونوميكالىق جانە الەۋمەتتىك-مادەني دالەلدەرى» اتتى حالىقارالىق عىلىمي-تاجىريبەلىك كونفەرەنتسياعا قاتىستى.
باشقۇرتستان مەن پاۆلودار وبلىسى ىسكەرلىك-كاسىپكەرلىك ورتاسىنىڭ, عىلىم مەن مادەنيەت سالاسىنىڭ وكىلدەرىنىڭ قاتىسۋىمەن بولعان كەزدەسۋدە ەكى ەلدىڭ ايماقارالىق بايلانىستارىن دامىتۋ جانە نىعايتۋ جونىندە كەڭىنەن اڭگىمە بولدى. كەزدەسۋ بارىسىندا پاۆلودار وبلىسىنىڭ اكىمى ەرلان ارىن مەن باشقۇرتستان پرەزيدەنتى رۋستام حاميتوۆ ماشينا جاساۋ, مەتاللۋرگيا, حيميا جانە مۇناي-حيميا, ازىق-ت ۇلىك جانە جەڭىل ونەركاسىپ, اۋىل شارۋاشىلىعى سالالارى مەن ينۆەستيتسيالىق ىنتىماقتاستىق مۇمكىندىكتەرى جايلى ماسەلەلەردى تالقىلادى.
جالپى, پاۆلودار وبلىسى ومبى, ءنوۆوسىبىر, توم وبلىستارىمەن, التاي ولكەسىمەن جاقسى قارىم-قاتىناس ورناتقان. «قازاقتار مەن باشقۇرتتار الدىمەن رۋحاني تۇرعىدا جاقىنبىز. ەندى وزگە سالالاردا دا بايلانىسىمىزدى ودان ءارى نىعايتا الامىز. بۇل كەزدەسۋدى بولاشاققا باستار العاشقى قادام دەپ بىلەمىن», – دەدى باشقۇرتستان پرەزيدەنتى رۋستام حاميتوۆ.
ءبىزدىڭ وبلىستىڭ ءوندىرىس سالاسىنداعى بەلسەندىلىگى جوعارى ەكەنى بەلگىلى. سوندىقتان, باشقۇرت كاسىپورىندارىمەن ىنتىماقتاستىقتا جۇمىس ىستەۋگە دايىن. ساپار بارىسىندا پاۆلودار قالاسىنىڭ اكىمدىگى مەن ۋفا قالاسى اكىمشىلىگىنىڭ اراسىنداعى ساۋدا-ەكونوميكالىق, عىلىمي-تەحنيكالىق باعىتتارداعى, مادەنيەت, ءبىلىم بەرۋ, سپورت سالالارى جانە جاستار ماسەلەلەرى بويىنشا ىنتىماقتاستىقتى دامىتۋعا قاتىستى حاتتاماعا قول قويىلدى.
باشقۇرتستان مۇناي-حيميالىق جوبالاردى ىسكە اسىرۋدا. وسىعان بايلانىستى وبلىس ورتالىعىنداعى كالتسيلەنگەن سودا زاۋىتىنىڭ قۇرىلىسى جوباسىن ىسكە اسىرۋ بويىنشا «قازسودا» جشس مەن «باشكيرسكايا حيميا» ااق اراسىنداعى بىرلەسكەن جۇمىس جونىندەگى مەموراندۋمعا دا قول قويىلدى. «بۇل جەتەكشى جوبا بولادى دەپ سەنەمىن. ويتكەنى, ونىڭ قۇنى جارتى ميلليون دوللاردى قۇرايدى. باشقۇرتستانداعى ءىرى كومپانيالاردىڭ تاجىريبەسى ءبىز ءۇشىن اسا ماڭىزدى», – دەپ اتاپ ءوتتى ەرلان ارىن.
سونداي-اق, پاۆلودار مۇنايحيميا زاۋىتى مەن ۋفا مەملەكەتتىك مۇناي ۋنيۆەرسيتەتى اراسىنداعى ىنتىماقتاستىق تۋرالى مەموراندۋم دا بەكىتىلدى. قازىرگى تاڭدا ەلىمىزدىڭ 300 ستۋدەنتى ۋفانىڭ جوعارى وقۋ ورىندارىندا ءبىلىم الۋدا, كوپشىلىگى مۇناي ۋنيۆەرسيتەتىندە وقيدى. بۇلاردان بولەك پاۆلودار مەملەكەتتىك پەداگوگيكالىق ينستيتۋتى مەن م.اكمۋللا اتىنداعى باشقۇرتستان مەملەكەتتىك پەداگوگيكالىق ۋنيۆەرسيتەتى اراسىندا كولەمى 2 ميلليون دوللاردى قۇرايتىن كەلىسىمشارت جاسالدى.
دەلەگاتسيا مۇشەلەرى ۋفا قالاسىنداعى «اق باتا» قازاق ۇلتتىق مادەنيەت ورتالىعىنىڭ وكىلدەرىمەن دە كەزدەستى. باشقۇرتستاندا 4 مىڭنان استام قانداسىمىز تۇرادى ەكەن. وبلىس اكىمى ەرلان ارىن قازاق دياسپوراسىنىڭ وكىلدەرىنە كيىز ءۇي, قازاقتىڭ ۇلتتىق كيىمدەرى مەن مۋزىكالىق اسپاپتارىن, 200-دەن استام كىتاپ پەن قازاق اۆتورلارىنىڭ شىعارمالارى جازىلعان 100 ديسكىنى سىيعا تارتتى.
فاريدا بىقاي,
«ەگەمەن قازاقستان».
پاۆلودار وبلىسى.
