ءبىر كۇن بۇرىن, رەسمي تۇردە 37,1 مىڭنان استام ناۋقاس جانە 811 ادام قايتىس بولعاندىعى تۋرالى حابارلانعان بولاتىن.
«9 اقپاندا ءتۇن ورتاسىندا مەملەكەتتىك دەنساۋلىق ساقتاۋ كوميتەتىنە 31 پروۆينتسيادان كوروناۆيرۋستىڭ جاڭا تۇرىنە 40171 ادام شالدىققانى تۋرالى حابار راستالدى, ونىڭ ىشىندە قازىر 35 982 ادام اۋىر حالدە, 3281 ادام اۋرۋحانادان شىعارىلدى, 908 ادام قايتىس بولدى», - دەلىنگەن مەملەكەتتىك كوميتەتتىڭ حابارلاماسىندا.
سونىمەن قاتار گونكونگتا ينفەكتسيانىڭ 36 جاعدايى انىقتالدى (ولاردىڭ بىرەۋى قايتىس بولدى), ماكاودا 10 ادام تابىلدى (ولاردىڭ بىرەۋى اۋرۋحانادان شىعارىلدى), تايۆاندا 18 ادام جۇقتىردى (ولاردىڭ بىرەۋىنىڭ دەنساۋلىعى جاقسارعان).
قازىرگى ۋاقىتتا ناۋقاستارمەن تىعىز بايلانىستا بولعان 187,5 مىڭنان استام ادام باقىلاۋدا.
وتكەن تاۋلىكتە 3062 ينفەكتسيا جاعدايى انىقتالدى, تاۋلىگىنە 632 ادام اۋرۋحانالاردان شىعارىلدى, 97 ادام قايتىس بولدى, اۋىر حالدەگى ناۋقاستار سانى كۇنىنە 296 ادامعا كوبەيدى.
