ENRC, ەۋرازيالىق تابيعي رەسۋرستار كورپوراتسياسى قازاقستاندا العاشقىلاردىڭ ءبىرى بولىپ تۇراقتى دامۋ تۋرالى ەسەپ بەرۋدى داستۇرگە اينالدىردى. كومپانيا 2012 جىلدىڭ قورىتىندىسى بويىنشا ەكىنشى ەسەبىن جاريالادى.
ENRC, ەۋرازيالىق تابيعي رەسۋرستار كورپوراتسياسى قازاقستاندا العاشقىلاردىڭ ءبىرى بولىپ تۇراقتى دامۋ تۋرالى ەسەپ بەرۋدى داستۇرگە اينالدىردى. كومپانيا 2012 جىلدىڭ قورىتىندىسى بويىنشا ەكىنشى ەسەبىن جاريالادى.
ەسەپتە كومپانيانىڭ قورشاعان ورتانى قورعاۋ, ونەركاسىپ قاۋىپسىزدىگى, ادامداردى باسقارۋ جانە جەرگىلىكتى قاۋىمداستىقتارمەن قارىم-قاتىناس جاساۋ سالاسىنداعى ەلەۋلى جەتىستىكتەرى كورىنىس تاپقان.
اتاپ ايتار بولساق, ەنەرگيا ۇنەمدەۋ ماسەلەلەرىندەگى ناقتى جەتىستىكتەر تالقىلانعان. مىسالى, 2012 جىلى ENRC قۇرامىنداعى قازاقستان ەلەكتروليز زاۋىتىندا ەلەكتر ەنەرگياسىن پايدالانۋدى تومەندەتۋ جوباسى جۇزەگە اسىرىلعان. ونىڭ ەكونوميكالىق اسەرى 263,5 ملن. تەڭگەنى قۇراپ وتىر. ناتيجەسىندە كاسىپورىن «التىن گەفەست» بايقاۋىندا جەڭىمپاز اتاندى. قورشاعان ورتانى قورعاۋ مينيسترلىگى كاسىپورىندى ەكولوگيا سالاسىندا ۇزدىك دەپ تانىدى.
پاۆلودار ماشينا جاساۋ زاۋىتى سياقتى كورپوراتسيانىڭ كاسىپورىندارىنداعى ەلەكتر ەنەرگياسىن پايدالانۋدى ۇنەمدەۋ ءىس-شارالارى جىلىنا 4,76 تەرادجوۋلدى (زاۋىت تۇتىناتىن ەلەكتر ەنەرگياسىنىڭ 43%-ى) ساقتاۋعا مۇمكىندىك بەردى. جايرەم كبك جانە «كازمارگانەتس» كب-دا («كازحروم» تۇك» اق فيليالدارى) بۇل كورسەتكىش 83 تەرادجوۋلگە جەتكەن (12%). ENRC عىلىمي-زەرتتەۋ ورتالىعى دا ەلەكتر ەنەرگياسىن ۇنەمدەۋگە اتسالىسادى.
كورپوراتسيانىڭ كاسىپورىندارىندا قازىرگى جانە بۇرىننان جينالعان فەرروقورىتپا قوجدارىن قايتا وڭدەۋ جالعاسۋدا. جەر جانە سۋ رەسۋرستارىنا ەرەكشە نازار بولىنەدى. جەردى رەكۋلتيۆاتسيالاۋ بويىنشا جاۋاپكەرشىلىكتەر تولىعىمەن ورىندالعان, سۋدى قايتا پايدالانۋ جۇيەسى قولدانىلادى. 2012 جىلى ءدوڭ كبك («كازحروم» تۇك» اق فيليالى) اقتوبە وبلىسىندا جاڭا سۋ قويماسىن ىسكە قوستى. بۇل قويما وڭىردەگى اۋىز سۋ مەن تەحنيكالىق ماقساتتاعى سۋلاردىڭ كوزىنە اينالادى. قۇرىلىستىڭ جوباسى 20 ملن. اقش دوللارىن قۇرادى.
ەڭبەكتى قورعاۋ سالاسىن باسقارۋ دەنساۋلىق پەن ەڭبەك قاۋىپسىزدىگىن ساقتاۋدىڭ حالىقارالىق ستاندارتتارىنا (OHSAS) سايكەس ءجۇرگىزىلەدى. كورپوراتسيانىڭ كاسىپورىندارىندا دەنساۋلىق ساقتاۋ سالاسىنا ينۆەستيتسيالار باعىتتالادى. بىلتىر حالىقارالىق DuPont ساراپشىلىق كومپانياسى ENRC-ءدى «2009-2011 جىلدارى ەڭبەكتى قورعاۋ سالاسىنداعى ۇزدىك جەتىستىكتەر» سىيلىعىمەن ماراپاتتادى.
2012 جىلى توپ ەڭبەكاقى تولەۋ شارتتارىن قايتا قاراستىرۋدى جۇزەگە اسىردى. ENRC-ءدىڭ قازاقستانداعى كاسىپورىندارىندا نەگىزگى جالاقى ورتاشا ەسەپپەن 20%-عا ءوستى. قىزمەتكەرلەر مەن ولاردىڭ وتباسىلارىنا ارنالعان الەۋمەتتىك باعدارلامالاردى جۇزەگە اسىرۋ جالعاسۋدا.
KPMG كومپانياسىمەن ءبىرگە كورپوراتسيا قازاقستاندا ءىرى الەۋمەتتىك زەرتتەۋ جۇرگىزدى. ونىڭ ناتيجەلەرى الەۋمەتتىك ينۆەستيتسيا ستراتەگياسىن جۇزەگە اسىرۋدا قولدانىلادى. بىلتىرعى جىلى ENRC-ءدىڭ الەۋمەتتىك سالاعا باعىتتاعان ينۆەستيتسيالارى 121 ملن. اقش دوللارىن قۇرادى. پاۆلودار وبلىسىنداعى اقسۋ قالاسىندا سپورت سارايىن سالعانى ءۇشىن ENRC قۇرامىنداعى «ەۋروازيالىق ەنەرگەتيكالىق كورپوراتسيا» اق «جىلدىڭ الەۋمەتتىك جوباسى» نوميناتسياسىندا «پارىز» سىيلىعىنا يە بولدى. «ءبىلىم بەرۋ سالاسىنداعى ۇلكەن جەتىستىكتەرى ءۇشىن» «كازحروم» تۇك, ەەك, قەز جانە «قازاقستان ءاليۋمينيى» كاسىپورىندارى (ENRC قۇرامىندا) «مەتسەنات» التىن مەدالىن يەلەندى.
وسىلايشا, كومپانيا اناعۇرلىم ءتيىمدى, قاۋىپسىز جانە تۇراقتى وندىرىسكە ۇمتىلىپ, كۇن سايىنعى جۇمىستا تۇراقتى دامۋ پرينتسيپتەرىن ۇستانادى. ءسويتىپ, قازاقستاننىڭ «جاسىل» ەكونوميكاعا ۇمتىلىسىنا قولداۋ كورسەتەدى. بىلتىر «ەكسپەرت-100-قازاقستان» بەدەلدى ۇيىمى توپتى «تۇراقتى دامۋعا ۇمتىلىسى ءۇشىن» بەلگىسىمەن ماراپاتتادى.
– ءبىزدىڭ جەتىستىكتەرىمىز زاڭنامانىڭ تالاپتارىنا جانە حالىقارالىق ستاندارتتارعا سايكەس كەلەدى. وسىلايشا, مۇددەلى تاراپتاردىڭ ءۇمىتىن اقتايدى, – دەپ اتاپ ءوتتى ENRC PLس باس اتقارۋشى ديرەكتورى فەليكس ۆۋليس.
ءسوز ورايىندا ايتا كەتەر بولساق, ENRC پايدالى قازبالاردى قازىپ الۋ جانە بايىتۋ سالاسىندا جەتەكشى ءارتاراپتاندىرۋشى كومپانيالار توبى بولىپ تابىلادى, ول كەن قازىپ الۋ, وڭدەۋ, ەنەرگەتيكا, كولىك جانە ماركەتينگ كاسىپورىندارىمەن ينتەگراتسيالانعان.
توپتىڭ وندىرىستىك اكتيۆتەرى نەگىزىنەن قازاقستان رەسپۋبليكاسىندا ورنالاسقان جانە قۇرامىنا كەلەسى كاسىپورىندار كىرەدى: «قازحروم» تۇك, ءجايرەم كبك, سوكولوۆ-سارىباي تاۋ-كەن بايىتۋ وندىرىستىك بىرلەستىگى (سسكوب), «قازاقستان اليۋمينيى», قازاقستان ەلەكتروليز زاۋىتى (قەز), ەۋرازيالىق ەنەرگەتيكالىق كورپوراتسيا (ەەك), شۇباركول كومىر جانە ENRC Logistics.
ENRC FTSE 100 تىزىمىنە كىرەدى. ENRC-دە قازىرگى ۋاقىتتا 75 000-نان استام ادام جۇمىس ىستەيدى, ونىڭ 69 000-ى قازاقستاندا.
مەرەكە تاڭاتاروۆ.
